ખલાસીઓને પરત લાવવા ભારત સરકારને અપીલ:

સલાયાના વહાણો પર થઈ રહેલા સતત હુમલાઓને પગલે સ્થાનિક અગ્રણીઓ અને ઇન્ડિયન સેલિંગ વેસલ્સ એસોસિયેશન દ્વારા ભારત સરકારને તાકીદે હસ્તક્ષેપ કરવા અપીલ કરવામાં આવી છે. ઓમાનમાં સુરક્ષિત રીતે બચાવી લેવાયેલા ’હાજી અલી’ જહાજના ૧૪ ખલાસીઓને વહેલી તકે સ્વદેશ પરત લાવવા માટે રાજદ્વારી સ્તરે કાર્યવાહીની માંગ ઉઠી છે. આ સાથે જ, આંતરરાષ્ટ્રીય જળસીમામાં ભારતીય નાગરિકો અને વહાણોની સુરક્ષા સુનિશ્ચિત કરવા માટે કડક પગલાં લેવા ભારત સરકાર સમક્ષ રજૂઆત કરવામાં આવી છે.