કેશોદ થી માંગરોળ તરફ જવાનાં માર્ગમાં ચાદીગઢ નાં પાટીએ થી આગળ મામલતદાર કચેરી તરફ જતાં આખલો આડો પડતાં અકસ્માત સર્જાયો હતો જેમાં હમીદખાન જમાલખાન બેલીમ ઉંમર વર્ષ ૬૦ રહેવાસી નાંદરખી ને ઈજાઓ પહોંચી હતી. 


તાત્કાલિક એમ્બ્યુલન્સ સેવા ૧૦૮ દ્વારા કેશોદ સબ ડિસ્ટ્રીકટ સિવિલ હોસ્પિટલમાં ખસેડવામાં આવ્યા હતાં.
 ત્યારે પ્રાથમિક સારવાર આપી વધુ સારવાર માટે જુનાગઢ સિવિલ હોસ્પિટલમાં ખસેડવામાં આવ્યા છે. કેશોદના નગરપાલિકા વિસ્તારમાં આખલાઓ અને નધણીયાતા રખડતાં ભટકતાં ઢોરથી શહેરીજનો પીસાઈ રહ્યાં છે.
​​​​​​​
 ત્યારે જવાબદાર તંત્ર દ્વારા કોઈ પ્રકારની કાર્યવાહી હાથ ધરવામાં આવતી નથી જેનાં કારણે નિદોર્ષ વાહનચાલકો અને રાહદારીઓ ઝપટે ચડી જતાં ઈજાગ્રસ્ત થવાની ઘટનાઓ છાશવારે બનતી હોય છે ત્યારે જવાબદાર તંત્ર કોઈ નિર્દોષ શહેરીજન પોતાનો જીવ ગુમાવે તેવી રાહ જોતાં હશે કે કેમ એ તો આવનારાં દિવસોમાં ખબર પડશે.