શાહરૂખ ખાને દર્શકોના દિલમાં જગ્યા બનાવવા ઉપરાંત બોલિવૂડ ઈન્ડસ્ટ્રીના લોકોમાં પણ પોતાની એક અલગ ઓળખ બનાવી છે. તેની ફિલ્મો સિવાય તેણે લોકો માટે ઘણું બધું કર્યું છે, જેના માટે લોકો તેને હંમેશા યાદ કરે છે. હાલમાં જ તેની એક સ્ટોરી ઈન્ટરનેટ પર વાયરલ થઈ રહી છે. આ વીડિયોમાં આર માધવન શાહરૂખ ખાન વિશે ખુલાસો કરતા જોવા મળી રહ્યા છે. આ વીડિયો 2 વર્ષ પહેલા એટલે કે વર્ષ 2022નો છે, જ્યારે આર માધવનની ફિલ્મ 'રોકેટરીઃ ધ નામ્બી ઈફેક્ટ' રિલીઝ થવાની હતી. ફિલ્મના પ્રમોશન દરમિયાન આર માધવને 'રોકેટરી: ધ નામ્બી ઇફેક્ટ' સાથે શાહરૂખ ખાનના જોડાણ વિશે એક કિસ્સો શેર કર્યો, જેના માટે તેણે કોઈ પૈસા પણ લીધા ન હતા.
આર માધવન 'રોકેટરીઃ ધ નામ્બી ઈફેક્ટ'ના પ્રમોશન માટે નવી દિલ્હીમાં હતા. તેણે કહ્યું કે શાહરૂખ ખાને પોતે તેને ફિલ્મમાં કોઈ રોલ માટે કહ્યું હતું. આ ઘટના શેર કરતી વખતે તેણે જણાવ્યું કે શાહરૂખ ખાને તેની ફિલ્મ વિશે તેની પાસેથી અપડેટ લીધી હતી. જે સાંભળ્યા બાદ તેણે તેને ફિલ્મમાં રોલ આપવા કહ્યું. આર માધવને કહ્યું, “શાહરૂખે મને કહ્યું હતું કે મારે ફિલ્મનો ભાગ બનવું છે, બેકગ્રાઉન્ડમાં કોઈપણ રોલ મારે ચાલશે. પહેલા મને લાગ્યું કે તે મારી સાથે મજાક કરી રહ્યા છે પરંતુ શાહરૂખે કહ્યું કે તે મજાક નથી કરીરહ્યા. પછી મેં મેસેજમાં જ તેમનો આભાર માન્યો પરંતુ થોડા સમય પછી મને તેમના આસીસ્ટન્ટનો ફોન આવ્યો.
શાહરૂખે રોલ માટે નહોતા લીધા પૈસા
તેના આસીસ્ટન્ટે કોલ પર આર માધવનને શાહરૂખ ખાનની તારીખ વિશે પૂછ્યું, તે સમયે પણ મને લાગ્યું કે શાહરૂખ ખાન મજાક કરી રહ્યા છે પરંતુ પાછળથી તેના આસિસ્ટન્ટે મને કન્ફર્મ કર્યું કે શાહરૂખ આ ફિલ્મમાં રોલને લઈને મજાક નથી કરી રહ્યા. આર માધવને કહ્યું, “હું મારી ફિલ્મમાં શાહરૂખ ખાનને બેકગ્રાઉન્ડમાં રોલ ન કરાવી શકું. જોકે, ફિલ્મમાં એક રોલ છે જે મહત્વપૂર્ણ છે.” તે પછી તેના આસીસ્ટન્ટે તેને પૂછ્યું કે તેને કેટલી તારીખો જોઈએ છે. બધુ થઇ ગયા બાદ શાહરુખ ખાને ફિલ્મમાં પોતાનું પાત્ર હિન્દી અને અંગ્રેજીમાં ભજવ્યું હતું. આર માધવને જણાવ્યું કે શાહરૂખે તેના કોસ્ચ્યુમ અને આસિસ્ટન્ટ માટે કોઈ પૈસા લીધા નથી. શાહરૂખ ખાને ફિલ્મમાં પત્રકારની ભૂમિકા ભજવી છે.
ઈસરોના વૈજ્ઞાનિક પર બનેલી ફિલ્મ
'રોકેટરીઃ ધ નામ્બી ઈફેક્ટ' 1 જુલાઈ, 2022ના રોજ રિલીઝ થઈ હતી. આ ફિલ્મ આર માધવને લખી અને નિર્દેશિત કરી હતી. આ ફિલ્મ હિન્દી, તમિલ, તેલુગુ, મલયાલમ, કન્નડ અને અંગ્રેજીમાં રિલીઝ થઈ હતી. આ ફિલ્મ ઈન્ડિયન સ્પેસ રિસર્ચ ઓર્ગેનાઈઝેશન (ISRO)ના વૈજ્ઞાનિક નામ્બી નારાયણનના જીવન પર બનાવવામાં આવી છે. નામ્બી નારાયણનની 1994માં જાસૂસીના કેસમાં ધરપકડ કરવામાં આવી હતી. કાન્સ ફિલ્મ ફેસ્ટિવલ 2022માં 'રોકેટરીઃ ધ નામ્બી ઈફેક્ટ'નું પ્રીમિયર કરવામાં આવ્યું હતું. આ ફિલ્મને ઘણા એવોર્ડ પણ આપવામાં આવ્યા છે. નામ્બીએ પોતે આ ફિલ્મમાં 15 મિનિટની ભૂમિકા ભજવી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationપોરબંદરવાસીઓને ત્રણે બાજુથી લુંટતા ટોલનાકામાં સ્થાનિક કક્ષાએ ટેકસમાંથી તાત્કાલિક મુક્તિ આપો
September 20, 2024 04:03 PMરાણાવાવમાં પોસ્ટઓફિસ પાછળ વરલી મટકાનો જુગાર રમતો યુવાન ઝડપાયો
September 20, 2024 04:02 PMઉદ્યોગનગરમાં યુવાને ગળાફાંસો ખાઇ કર્યો આપઘાત
September 20, 2024 04:01 PMશું ભારતમાં Mpoxનો બીજો કેસ છે ખતરાની ઘંટડી? સુરક્ષિત રહેવા માટે આજથી જ અપનાવો આ આદતો
September 20, 2024 04:00 PMCopyright © 2023-2024 Aajkaal Daily
Developed by Rhythm Infotech