ઓખા મંડળના ભુંગા વિસ્તારમાં રહેતા ફારુકભાઈ રહીમભાઈ કારા નામના ૩૪ વર્ષના ભડેલા મુસ્લિમ યુવાનને મીઠાપુરના આરંભડા વિસ્તારમાં રહેતા અલ્તાફ હાજી સુરાણી પાસેથી ૩૫,૦૦૦ની રકમ લ્હેણી નીકળતી હોય, આ રકમની ઉઘરાણી કરવા ફારુકભાઈ અલ્તાફભાઈના ઘરે જતા આ સ્થળે રહેલા અલ્તાફભાઈ ઉશ્કેરાઈ ગયા હતા અને લોખંડનો પાઇપ ફારૂકભાઈના માથા ઉપર ફટકારી દીધો હતો.


આટલું જ નહીં, આ સ્થળે રહેલા અલતાફભાઈના બહેન રિયાનાબેન, તેમના માતા હુસેનાબેન તથા અલ્તાફભાઈના પત્ની કુલસુમબેન દ્વારા પણ પાઇપ વિગેરે વડે હુમલો કરી, ઈજાઓ પહોંચાડવામાં આવતા મીઠાપુર પોલીસે મહિલા સહિત ચારેય સામે આઈ.પી.સી. કલમ ૩૨૩, ૩૨૪ ૧૧૪ તથા જી.પી. એક્ટની કલમ મુજબ ગુનો નોંધ્યો છે.
​​​​​​​