જર્નલ ઓફ ગેસ્ટ્રોએન્ટેરોલોજી : અમેરિકન વૃદ્ધના પેટમાં જીવિત માખી જોઈ ડોક્ટર્સ પણ હેરાન

અમેરિકાના એક ૬૩ વર્ષીય વ્યક્તિનો એક કિસ્સો તાજેતરમાં જ અમેરિકન જર્નલ ઓફ ગેસ્ટ્રોએન્ટેરોલોજીમાં પ્રકાશિત થયો છે. એક માણસના શરીરની અંદર જે દેખાયું તે જોઈને ડોક્ટરો પણ સ્તબ્ધ થઈ ગયા. આ વ્યક્તિ કોલોન કેન્સર માટે નિયમિત ચેકઅપ માટે આવ્યો હતો.

ડૉક્ટરોએ તેની કોલોનોસ્કોપી કરી. તપાસ માટે આંતરડામાં કેમેરા દાખલ કરવામાં આવ્યો હતો. ડોકટરોએ જોયું કે એક માખી ગેસ્ટ્રિક એસિડથી બચી ગઈ હતી અને તે માણસના શરીરની અંદર જીવંત અને આરામથી બેઠી હતી. ડૉક્ટરોએ કહ્યું, "આ કેસ ખૂબ જ દુર્લભ છે. જો કે, આ માખી જીવિત માણસના પેટમાં કેવી રીતે પહોંચી તે હજુ પણ સમજની બહાર છે."

ડૉક્ટરના જણાવ્યા મુજબ, દર્દીએ કોલોનોસ્કોપીના એક દિવસ પહેલા માત્ર પ્રવાહી ખોરાક જ લીધો હતો. તેના આગલા દિવસે, તેમણે પિઝા અને સલાડ ખાધા હતા, પરંતુ તેમને તેમના ખોરાકમાં કોઈ માખી કે ગંદકી યાદ ન હતી. અમેરિકન ડોકટરોએ મીડિયા એજન્સીઓને જણાવ્યું કે તેઓએ દર્દીની કોલોનોસ્કોપી પ્રક્રિયા કરી માખી કાઢી નાખી છે. દર્દીને પણ કોઈ વિપરીત અસર થઈ નથી.

હાલમાં જ પંજાબના મોગામાં ઓપરેશન દ્વારા ૪૦ વર્ષના એક વ્યક્તિના પેટમાંથી અનેક પ્રકારની વસ્તુઓ કાઢવામાં આવી હતી. ૩ કલાક લાંબી સર્જરીમાં વ્યક્તિના પેટમાંથી ઈયરફોન, નટ-બોલ્ટ, સ્ક્રૂ, રાખડી, રોઝરી, સ્ક્રૂ, સેફ્ટી પિન, લોકેટ સહિત ૧૦૦થી વધુ વસ્તુઓ બહાર કાઢવામાં આવી હતી. પીડિતના પરિવારે જણાવ્યું કે તેમને ખબર નથી કે તેણે આ બધી વસ્તુઓ કેવી રીતે અને ક્યારે ખાધી. પરિવારજનોએ એમ પણ જણાવ્યું કે તેમનો પુત્ર માનસિક રીતે તણાવમાં રહે છે.