આશરે પાંચ સદીના લાંબા સંઘર્ષ પછી અયોધ્યા ખાતે આગામી તા. ૨૨ ફેબ્રુઆરીએ ભગવાન શ્રીરામનું ભવ્ય મંદીર બનીને તૈયાર થઈ ગયું છે. જેમા રામલલ્લાની પધરામણી પણ થઈ રહી છે. ત્યારે ખંભાળિયા તાલુકાના ગામે ગામમાં આ નઆનંદ ઉત્સવન ભવ્ય રીતે ઉજવાય અને તાલુકાના દરેક ઘરે અયોધ્યાથી આવેલ ભગવાન શ્રીરામની પ્રસાદી પહોંચે સાથે સાથે ભગવાન શ્રી રામના આ મંદિરની માહિતી આપતી પત્રિકા સાથે મંદિરનો સુંદર ફોટોગ્રાફ પહોંચે તેની તૈયારીના ભાગરૂપે તાલુકા પંચાયતના ઘનશ્યામસિંહ જાડેજા, તાલુકા ભાજપ પ્રમુખ સી.એલ. ચાવડા, ઉપસરપંચ રાજુભાઈ ભરવાડ તથા વિશ્વ હિન્દુ પરિષદ, બજરંગ દળ, આરએસએસના વરિષ્ઠ આગેવાનો અને ગામે ગામના સરપંચોની ઉપસ્થિતિમાં તૈયારીના ભાગરૂપે અત્રે ખાસ મિટિંગનું આયોજન કરવામાં આવ્યું હતું.
જેમાં આ આયોજન દરમિયાન તારીખ ૨૧ ફેબ્રુઆરીના રોજ આનંદ ઉત્સવ કાર્યક્રમ યોજવા તથા જુદા જુદા ગામોના વિવિધ મંદિરોમાં ધાર્મિક આયોજનના મુદ્દે ચર્ચા વિચારણાઓ કરવામાં આવી હતી. જેમાં રામ મંદિર નિર્માણના આ પ્રસંગને ભવ્ય રીતે ઉજવવા માટે તૈયારીઓ હાથ ધરવામાં આવી હતી.