જામનગરનો શ્રમિક યુવાન લાપત્તા બની જતાં વૃદ્ધ માતા પોલીસ મથકે પહોંચી: પોલીસ દ્વારા શોધખોળ
જામનગરમાં કડીયાવાડ વિસ્તારમાં રહેતો અને મજૂરી કામ કરતો એક શ્રમિક યુવાન એકાએક લાપતા બની ગયો છે, તેથી તેની વૃદ્ધ માતા પોલીસની મદદ માટે પહોંચી છે, અને પોલીસ ગુમ થનાર શ્રમિકને શોધી રહી છે.
જામનગરમાં મોટી પીપળા શેરીમાં રહેતો સાગર રમેશભાઈ વસાણી નામનો ૪૫ વર્ષનો શ્રમિક યુવાન કે જે આજથી દસેક દિવસ પહેલાં પોતાના ઘેરથી કડિયા કામની મજૂરી કરવા જાઉં છું, તેમ કહીને નીકળ્યા બાદ પરત ફર્યો ન હતો, અને એકાએક લાપતા બની ગયો છે.
આ બનાવ બાદ ગુમ થનારની વૃદ્ધ માતા ભાવનાબેન રમેશભાઈ વસાણી (૬૫ વર્ષ), કે જેઓએ જામનગરના સીટી બી. ડિવિઝન પોલીસ મથકનો સંપર્ક સાધ્યો હતો, અને પોતાના ગુમ થયેલા પુત્ર ને શોધી આપવા રજૂઆત કરી છે. જેથી પોલીસ ટુકડી શ્રમિક યુવાનને શોધી રહી છે.