ગુજરાત એસ.ટી. નિગમમાં મુસાફરોની સુવિધા માટે કાર્યરત અને રાઉન્ડ ધી કલોક ચાલુ રહેતી ઓનલાઈન બુકીંગ સેવા આગામી તા.૨૧-૨૨ને મંગળવાર-બુધવારના રોજ રાજયભરમાં બંધ રાખવામાં આવનાર છે.

વિશેષમાં નિગમના સુત્રોમાંથી પ્રાપ્ત વિગતો મુજબ એસ.ટી.નિગમ દ્વારા આ ઓનલાઈન બુકીંગ સીસ્ટમમાં અમુક મહત્વના ફેરફારો સાથે અપગ્રેડેશન કરવાની કામગીરી થનાર છે. જેના કારણે ઉપરોકત બે દિવસ માટે રાજકોટ સહિત રાજયભરમાં ઓનલાઈન બુકીંગ થઈ શકશે નહીં. રાજય માર્ગ વાહન વ્યવહાર નિગમની ઓનલાઈન બુકીંગ સીસ્ટમમાં મેઈન્ટનેન્સ-અપગ્રેડેશન કાર્યવાહી હાથ ૨૩ કલાકથી ધરવાની હોવાથી આગામી તા.૨૧ તથા ૨૨ના વેબસાઇટ તેમજ મોબાઈલ એપ્લીકેશન, કાઉન્ટર બુકીંગ તથા તમામ ફ્રેન્ચાઈઝી બુકીંગ બંધ રહેશે.