જામનગર પંથકમાં પોલીસની કોમ્બિંગ ડ્રાઈવમાં અનેક ઝપટે ચડયા

June 16, 2026 12:06 PM

જામનગર પંથકમાં પોલીસની કોમ્બિંગ ડ્રાઈવમાં અનેક ઝપટે ચડયા

પીધેલા, વાહનો બેદરકારીથી ચલાવનારા અને છરી-ધોકા સાથે નીકળેલા સામે કાર્યવાહી

જામનગર જિલ્લામાં કાયદો અને વ્યવસ્થા વધુ સુદ્રઢ બનાવવા તેમજ અસામાજિક તત્વો પર અંકુશ લાવવા હેતુસર જિલ્લા પોલીસ વડા ડો. રવિ મોહન સૈની ના માર્ગદર્શન હેઠળ ગઈકાલે રાત્રિના સમયે સમગ્ર જિલ્લામાં વિશેષ કોમ્બિંગ ડ્રાઈવ યોજવામાં આવી હતી. આ દરમિયાન જિલ્લાના વિવિધ પોલીસ સ્ટેશન વિસ્તારોમાં સઘન ચેકિંગ, પેટ્રોલિંગ અને કોમિંગ ઓપરેશન હાથ ધરવામાં આવ્યું હતું.

ડ્રાઈવ દરમિયાન દારૂના નશાની હાલતમાં વાહન ચલાવતા, જાહેર સ્થળોએ ધોકા, છરી જેવા હથિયારો સાથે ફરી રહેલા તેમજ જાહેર શાંતિ અને સલામતી માટે જોખમરૂપ બને તેવી પ્રવૃત્તિઓમાં સંડોવાયેલા તત્વો સામે પોલીસ દ્વારા કડક કાર્યવાહી કરવામાં આવી હતી. વિવિધ વિસ્તારોમાં હાથ ધરાયેલી તપાસ દરમિયાન અનેક શંકાસ્પદ વ્યક્તિઓની ચકાસણી કરવામાં આવી હતી.

આ વિશેષ કોમ્ંિબગ ડ્રાઈવ અંતર્ગત જામનગર જિલ્લાના જુદા જુદા પોલીસ સ્ટેશનોમાં કુલ ૨૮ આરોપીઓ સામે વિવિધ કાયદાકીય કલમો હેઠળ ગુનાઓ નોંધવામાં આવ્યા છે. તમામ આરોપીઓની અટકાયત કરી તેમની સામે કાયદેસરની કાર્યવાહી હાથ ધરવામાં આવી છે તથા વધુ તપાસ ચાલુ છે.

આ ડ્રાઇવ દરમ્યાન અલગ અલગ વિસ્તારોમાં શખ્સો ઝપટમાં આવ્યા હતા જેની સામે કાયદેસરની કાર્યવાહી કરવામાં આવી હતી, જોગર્સ પાર્ક રોડ, પંચવટી સર્કલ, બેડેશ્ર્વર ઓવરબ્રીજ, ત્રણ દરવાજા, બેડી ઢાળીયે, એમપી શાહ ઉધોગ રોડ, સુભાષબ્રીજ રોડ, શરૂ સેકશન, સાત રસ્તા, સાતનાલા જેવા વિસ્તારોમાં કાર, બાઇક જેવા વાહનો ગફલતથી ચલાવનારા અને ટ્રાફિકને અવરોધ કરનારા સામે કાર્યવાહી કરી હતી.

જામનગર જિલ્લા પોલીસ દ્વારા જણાવવામાં આવ્યું છે કે જાહેર સુરક્ષા, કાયદો અને વ્યવસ્થા જાળવવા માટે આવી કોમ્બિંગ ડ્રાઈવ, નાઈટ પેટ્રોલિંગ અને ચેકિંગની કામગીરી આગામી દિવસોમાં પણ સતત ચાલુ રાખવામાં આવશે. કાયદાનો ભંગ કરનાર અને સમાજમાં ભયનું વાતાવરણ ઊભું કરનાર તત્વો સામે જિલ્લા પોલીસ દ્વારા ઝીરો ટોલરન્સની નીતિ અપનાવી કડક કાર્યવાહી કરવામાં આવશે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર પંથકમાં પોલીસની કોમ્બિંગ ડ્રાઈવમાં અનેક ઝપટે ચડયા

Recent News

Gujarat's No. 1 evening newspaper