ભાણવડ: પાછતરડીનો શખ્સ પાયલોટિંગ સાથે દારૂ લઈને નીકળતા ઝડપાયો
બે શખ્સોની અટકાયત: સપ્લાયરની શોધખોળ
ભાણવડ તાલુકાના પાછતરડી ગામે રહેતા માંડા કરમણ હૂણ નામના ૨૨ વર્ષના શખ્સને ૩૦,૦૦૦ ની કિંમતના ૧૫૦ લીટર દેશી દારૂના જથ્થાને લઈને ટીવીએસ મોટરસાયકલ પર નીકળતા પોલીસે ઝડપી લીધો હતો. આ શખ્સને અન્ય એક આરોપી એવા આ જ ગામના રહીશ અમરા કરમણ હૂણ (ઉ.વ. ૨૧) દ્વારા અન્ય મોટરસાયકલ મારફતે પાયલોટિંગ કરવામાં આવતું હતું.
આ પ્રકરણમાં પોલીસે ઉપરોક્ત બંને શખ્સોને દારૂ, બાઈક, મોટરસાયકલ અને બે મોબાઈલ ફોન સહિત કુલ રૂપિયા ૧,૨૦,૦૦૦ ના મુદ્દામાલ સાથે ઝડપી લીધા હતા. આ બનાવમાં સપ્લાય તરીકે ભાણવડ તાલુકાના ધામણીનેસ ગામે રહેતા રામા ઉર્ફે રામુડી ભુરાભાઈ રબારી નામના શખ્સનું નામ ખુલવા પામ્યું છે. જે અંગે પોલીસે જરૂરી નોંધ કરી, આગળની તપાસ હાથ ધરી છે.
