વિદેશ મંત્રી એસ.જયશંકર માલદીવના પ્રવાસે છે. મુલાકાત દરમિયાન ભારત અને માલદીવે દ્વીપસમૂહ રાષ્ટ્રમાં યુનિફાઇડ પેમેન્ટ્સ ઇન્ટરફેસ (UPI) શરૂ કરવા માટે એક કરાર પર હસ્તાક્ષર કર્યા. આ કરાર માલદીવના પ્રવાસન ક્ષેત્રને પ્રોત્સાહન આપવા માટે કરવામાં આવ્યો હતો. જયશંકરની માલદીવની ત્રણ દિવસીય સત્તાવાર મુલાકાત દરમિયાન શુક્રવારે આ કરાર થયો હતો.

પર્યટનને પ્રોત્સાહન આપવા માટે થયો કરાર

વાસ્તવમાં આ કરાર માલદીવના પ્રવાસન ક્ષેત્રને પ્રોત્સાહન આપવા માટે કરવામાં આવ્યો હતો. જયશંકરની માલદીવની ત્રણ દિવસીય સત્તાવાર મુલાકાત દરમિયાન શુક્રવારે એમઓયુ પર હસ્તાક્ષર કરવામાં આવ્યા હતા. તેમણે X પર એક પોસ્ટમાં જણાવ્યું હતું કે, "માલદીવમાં ડિજિટલ પેમેન્ટ સિસ્ટમ શરૂ કરવા માટે ભારતના નેશનલ પેમેન્ટ્સ કોર્પોરેશન અને માલદીવના આર્થિક વિકાસ અને વેપાર મંત્રાલય વચ્ચે એમઓયુ પર હસ્તાક્ષર થયા."

નેશનલ પેમેન્ટ્સ કોર્પોરેશન ઓફ ઈન્ડિયા (NPCI) દ્વારા વિકસિત, યુનિફાઈડ પેમેન્ટ્સ ઈન્ટરફેસ (UPI) એ મોબાઈલ ફોન દ્વારા આંતર-બેંક વ્યવહારોની સુવિધા માટે તાત્કાલિક રીઅલ-ટાઇમ પેમેન્ટ સિસ્ટમ છે.