જામનગર શહેરમાં મોબાઈલ ચોર ટોળકી સક્રિય બની છે, અને શહેરના જુદા જુદા વિસ્તારોમાંથી વધુ ત્રણ વ્યક્તિના મોબાઈલ ફોન ચોરી કરી લઈ ગયા ની ફરિયાદ પોલીસમાં નોંધાવાઇ છે.
જામનગરમાં ગુલાબનગર વિસ્તારમાં રાધેક્રિષ્ના પાર્કમાં રહેતી બીનાબેન પ્રફુલભાઈ ચાવડા નામની મહિલા દરબારગઢ વિસ્તારમાં ખરીદી કરવા માટે આવી હતી, જે દરમિયાન કોઈ તસ્કરોએ તેમના પર્સમાંથી ગિરદીનો લાભ લઈને મોબાઈલ ફોનની ચોરી કરી લઈ ગયાની ફરિયાદ પોલીસમાં નોંધાવાઇ છે.
આ ઉપરાંત મુળ મોટાવડીયા ગામના અને હાલ જામનગરમાં પવનચક્કી પાસે રહેતી કોમલબેન લલીતભાઈ વાઘ નામની મહિલાએ રણજીત સાગર રોડ પર આર્મી એરીયા નજીક ખરીદી માટે ગઈ હતી, જે દરમિયાન કોઈએ તેમનો મોબાઇલ ફોન ચોરી કરી લીધો હોવાની ફરિયાદ પોલીસમાં નોંધાવાઈ છે.
વધુ એક બનાવમાં જામનગરમાં હર્ષદમીલની ચાલી નજીક, પટેલ નગર વિસ્તારમાં રહેતા અજયભાઈ ભુપતભાઈ વાઘેલાએ પણ પોતાનો મોબાઇલ ફોન કોઈ તસ્કરો ચોરી કરી ગયા હોવાની ફરિયાદ સીટી-એ ડીવીઝનમાં નોંધાવી છે.