પોલીસ સૂત્રોમાંથી મળતી વિગતો મુજબ રાજકોટ શહેરમાં આવતીકાલે રાષ્ટ્રપતિ સોમનાથ અને સાસણગીરના બે દિવસના પ્રવાસે આવી રહ્યા હોય ગુરુવારે બપોરે દિલ્હીથી હવાઈ માર્ગે સાંજે 5:00 વાગ્યે રાજકોટના હીરાસર એરપોર્ટ ખાતે આવી પહોંચશે ત્યારબાદ રાજકોટના સર્કિટ હાઉસ ખાતે રાત્રી રોકાણ કર્યા બાદ રાષ્ટ્રપતિ દ્રોપદી મુર્મૂ શુક્રવારે સવારે હેલિકોપ્ટર મારફત સોમનાથ મંદિરે દર્શન પૂજા અર્થે રોકાણ કરશે.

જેથી રાષ્ટ્રપતિની સુરક્ષાને ધ્યાનમાં રાખી હીરાસર એરપોર્ટ થી રાજકોટ સર્કિટ હાઉસ ખાતે પોલીસ કમિશનર ની સીધી દેખરેખ હેઠળ બંદોબસ્ત ગોઠવવામાં આવ્યો છે જેમાં ચાર ડીસીપી આઠ એસીપી 16 પીઆઇ 40 પી એસ આઇ 600 પોલીસ જવાનો 388 હોમગાર્ડ 520 ટીઆરબી જોવાનો સહિત કુલ 1531 અધિકારીઓ તેમજ કર્મચારીઓ આ બંદોબસ્ત જાળવશે.