રાજકોટ રેન્જ આઈજી અશોકકુમાર યાદવ, એસપી વિજયસિંહ ગુર્જર, નાયબ પોલીસ અધિક્ષક કે.જી.ઝાલા દ્વારા પ્રોહિબિશન જુગાર જેવી ગેરકાયદેસર પ્રવૃત્તિઓ અને નાબૂદ કરવા સૂચના આપેલ હોય જે હેઠળ ગોંડલ બી ડિવિઝનના પી.આઈ. જે.પી. રાવની રાહબરી હેઠળ સ્ટાફ પેટ્રોલિંગમાં હતો. દરમિયાન ખાનગી રાહે બાતમી મળી હતી કે આશાપુરા ચોકડી પાસે ખાડિયામાં આવેલા મકાનમાં દેશી દારૂની ભઠ્ઠી ચાલી રહી છે. પોલીસે દરોડો પાડતા દારૂની ચાલુ ભઠ્ઠી પકડી પાડી હતી.પોલીસે સ્થળ પરથી મકાન માલિક વિક્રમ ધીરુભાઈ ચારોલીયા(ઉં વ ૨૫)ને પકડી પાડી રૂ.૧ હજારની કિંમતનો પાંચ લિટર દેશીદારૂ, રૂ.૧૮૦૦ ની કિંમતનો ૯૦ લિટર ઠંડો આથો, રૂ. ૨૮૦૦ ની કિંમતના ભઠ્ઠી સાધનો સહિત કુલ રૂ. ૬૦૫૦ નો મુદામાલ કબજે કરી આરોપી સામે પ્રોહીબિશનની કલમ હેઠળ ગુનો નોંધી જરૂરી કાર્યવાહી કરી હતી

આ કામગીરીમાં પી.આઇ. જે.પી. રાવની રાહબરીમાં એ.એસ.આઈ. હિતેશભાઈ ગામી, પોલીસ હેડ કોન્સ્ટેબલ શક્તિસિંહ મનુભા, રવિભાઈ ચાવડા, પોલીસ કોન્સ્ટેબલ સુરપાલસિંહ જયદેવસિંહ, વિપુલભાઈ મેર સાથે રહ્યા હતા.