ગુજરાતમાં ગરબા આયોજકો પર જીએસટી ત્રાટક્યું છે. અમદાવાદ અને સુરતમાં 10થી વધુ ગરબા આયોજક પર જીએસટીએ દરોડા પાડ્યાનું જાણવા મળ્યું છે. આથી અન્ય ગરબા આયોજકોમાં પણ ફફડાટ વ્યાપી ગયો છે. 

જીએસટીની 10 ટીમ રેડમાં જોડાઈ

મળતી માહિતી મુજબ, અમદાવાદ અને સુરતના ગરબા આયોજકો પર જીએસટીએ દરોડા પાડ્યા છે. જેમાં જીએસટીની 10 ટીમ આ કાર્યવાહીમાં જોડાઈ છે. અમદાવાદમાં  આદિત્ય ગઢવી, જીગરદાન ગઢવી અને પૂર્વા મંત્રીના ગરબામાં રેડ પાડવામાં આવી છે. અમદાવાદ સાથે સુરતની સુવર્ણ નવરાત્રિમાં આ રેડ પાડવામાં આવી છે. જેને પગલે મોટા આયોજકોમાં ફફડાટ ફેલાયો છે. બ્લેકમાં વેચાતા પાસને લઈ જીએસટી વિભાગે કાર્યવાહી કરી હોવાનું જાણવા મળ્યું છે.