જામજોધપુર તાલુકાના મોટા વડિયા ગામમાં રહેતા એક પ્રૌઢે પોતાની માનસિક બીમારીથી તંગ આવી જઇ  ગળાફાંસા દ્વારા આપઘાત કરી લીધો છે. જામજોધપુર તાલુકાના મોટા વડિયા ગામમાં રહેતા અને નિવૃત્ત જીવન જીવતા દેવાણંદભાઈ દેશુરભાઈ કરંગીયા (ઉ.વ.૫૮) નામના પ્રૌઢ છેલ્લા કેટલાક સમયથી માનસિક  બીમારીથી પીડાતા હતા, જે બીમારીના કારણે જિંદગીથી કંટાળી જઈ તેઓએ પોતાના ઘરમાં પંખામાં દોરી વડે ગળાફાંસો ખાઈ લઇ આત્મહત્યા કરી લીધી હતી. આ બનાવ અંગે મૃતકના પુત્ર ગોવિંદભાઈ દેવાણંદભાઈ કરંગીયાએ પોલીસને જાણ કરતાં જામજોધપુર પોલીસે ઘટના સ્થળે દોડી જઇ મૃતદેહનો કબજો સંભાળ્યો છે અને વધુ તપાસ હાથ ધરી છે.