નવી દિલ્હી : કોમર્શીયલ ગેસના ભાવમાં કમરતોડ વધારો ઝીકયાના બીજા જ દિવસે સરકારે મધ્યમવર્ગની કમર તૂટી જાય તેવો આક્રો ડામ દીધો છે અને આગામી ટુંક સમયમાં જ ઘરેલું ગેસના બાટલામાં  ૪૦ થી ૫૦ તેમજ પેટ્રોલ ડીઝલના ભાવમાં લીટરે  ૪થી ૫નો વધારો કરવાનો નિર્દેશ આપ્યો છે. ચુંટણી પૂર્ણ થતા જ સરકારે મોંઘવારીના એક પછી એક બોમ્બ ફોડવાનું શ કયુ છે જે સામાન્ય પ્રજાનું જીવન વધુ દુષ્કર બનાવશે. વૈશ્વિક બજારમાં ક્રુડના ભાવમાં વધઘટની ઘરેલુ સીધી અસર સ્થાનિક ઈંધણના ભાવ પર પડે છે. સરકારી સૂત્રો કહે છે કે ખર્ચ અને વેચાણ વચ્ચે વધતા અંતરને દૂર કરવા માટે આ નિર્ણય જરી બની રહ્યો છે. જો કે પેટ્રોલિયમ મંત્રાલયની અંતિમ મંજૂરી હજુ બાકી છે, જો કે એવી ચર્ચા છે કે આ નિર્ણય ગમે ત્યારે લાગુ થઈ શકે છે. સરકાર તરફથી એવા સંકેતો આવી રહ્યા છે જેની સીધી અસર લોકોના ખિસ્સા પર પડશે. જાણવા મળ્યું છે કે ઘરેલુ એલપીજી સિલિન્ડરના ભાવમાં ટૂંક સમયમાં નોંધપાત્ર વધારો થઈ શકે છે. હજુ તો ગઈ કાલે ૧ મેના રોજ કોમર્શિયલ સિલિન્ડરમાં આશરે ૧,૦૦૦ પિયાનો વધારો કરવામાં આવ્યો હતો. સૂત્રોએ અહેવાલ આપ્યો છે કે ઘરેલુ એલપીજી સિલિન્ડરના ભાવ પ્રતિ સિલિન્ડર ૪૦ થી ૫૦ પિયા વધી શકે છે. સિલિન્ડર, જે પહેલાથી જ તમારા રસોડાના બજેટ પર બોજ નાખે છે, તે હવે વધુ મોંઘા થવાની આરે છે. મહત્વની વાત એ છે કે આગામી ૫ થી ૭ દિવસમાં સિલિન્ડરના ભાવમાં વધારો લાગુ કરવામાં આવશે. મે મહિનો શ થતા જ મોંઘવારીના મોરચે જનતાને એક પછી એક આંચકા આપી રહ્યો છે. તેની શઆત ૧ મેના રોજ કોમર્શિયલ ગેસ સિલિન્ડરના ભાવમાં વધારાથી થઈ હતી. હવે,સૂત્રોમાંથી આવી રહેલા સમાચાર સામાન્ય માણસની ઐંઘ ઉડાડવા માટે પૂરતા છે. આગામી દિવસોમાં પેટ્રોલ અને ડીઝલના ભાવમાં મોટો ઉછાળો જોવા મળી શકે છે. સૂત્રોના જણાવ્યા અનુસાર, પેટ્રોલ અને ડીઝલના ભાવમાં પ્રતિ લિટર ૪ થી ૫ પિયાનો વધારો થઈ શકે છે કારણ કે તેલ કંપનીઓ નુકસાન કરી રહી છે. આથી સરકાર ઈંધણના ભાવમાં સુધારો કરવા પર ગંભીરતાથી વિચાર કરી રહી છે. જો આવું થશે તો તેની સીધી અસર માલસામાનની હેરફેર અને મુસાફરી ખર્ચ પર પડશે. આનો અર્થ એ છે કે માત્ર તેલ જ નહીં, શાકભાજીથી લઈને દૂધ સુધી બધું મોંઘું થશે..