આ બજેટમાં સિંચાઇમાં હયાત ચેક ડેમની મરામત અને નવા ચેક ડેમ બાંધવા માટે માત્ર ૧૦ લાખ, શાળાના નવીનીકરણ માટે રૂ.૫૦ લાખ, પોષણ આહાર ક્ષેત્રે અતિ કુપોષિત બાળકોને પોષણ સ્તરના સુધારા હેતુસર પોષક આહાર તથા દવા માટે રૂ.૪ લાખની જોગવાઇ કરાઇ છે. જયારે આરોગ્ય ક્ષેત્રેમાં અને શિશુ યોજના અંતર્ગત રૂ.૧૫ લાખની જોગવાઇ કરવામાં આવી છે. જયારે પશુચિકિત્સા અને રોગચાળા માટે નિવારણ માટે રૂ.૧ લાખ, સમાજ કલ્યાણ ક્ષેત્રે ગ્રામ્ય કક્ષાએ અનુ.જાતિ અને પછાત જાતિ વિસ્તારમાં વિકાસનાં કાર્યો માટે રૂ.૭૦ લાખની જોગવાઇ કરવામાં આવી છે. કુદરતી આફત અને અણધાર્યા ખર્ચ માટે રૂ.૫ લાખ, સહાય માટે પ લાખ, રસ્તાની મરામત માટે રૂ.૫ લાખ અને વિકાસના કામો માટે રૂ.ર કરોડ કરવામાં આવી છે. 

જિલ્લા પંચાયતનું બજેટ હાસ્યાસ્પદ: ધારાસભ્ય હેમંતભાઇ ખવા

જા. જિ.પંચાયતનું બજેટ હાસ્પાસ્પદ છે. સ્માર્ટ આંગણવાડીઓ માટે રૂ.૫૦ હજાર ફાળવવામાં આવ્યા છે. અતિ કુપોષિત બાળકો માટે ૪ લાખ, જિલ્લામાં ૬૦૦ થી વધુ આંગણવાડીનાં કામ બાકી છે ત્યારે સ્માર્ટ આંગણવાડી માટે રૂ.૫૦,૦૦૦ ઓછા છે, મેલેરિયા અને એનીમીયા નિયંત્રણ માટે રૂ .દસ-દસ હજાર, પ્રાકૃતિક ખેતી માટે રૂ.૧૦,૦૦૦ અને આફત માટે રૂ. પ લાખની ફાળવણી કરવામાં આવી છે. 

બાંધકામ વિભાગનું રૂ.૭૦ લાખનું બજેટ વપરાયુ નથી: વિપક્ષી નેતા

જા. જિ.પંચાયતના બજેટમાં બાંધકામ ખાતા હસ્તકની ૭૦ લાખની રકમ વપરાયુ નથી. આ બજેટ પ્રજાલક્ષી નથી, ગયા બોર્ડમાં ૩ અધિકારીઓ સામે પગલા લેવા નિર્ણય લેવાયો હતો જયારે બે અધિકારી સામે હજુ સુધી પગલા કેમ લેવાયા નથી? બાંધકામ વિભાગના ૭૦ લાખના સ્વભંડોળને રાખી મુકાયુ છે અનેક રજુઆત કરવા છતા પણ આ બજેટ વપરાયુ નથી.​​​​​​​