પોલીસ સૂત્રોમાંથી મળતી વિગતો મુજબ રાજકોટ રેન્જ આઈ.જી. અશોક કુમાર અને રાજકોટ ગ્રામ્ય પોલીસ અધિક્ષક વિજયસિહ ગુર્જરની સૂચનાથી એલસીબી પી.આઈ. વી.વી. ઓડેદરાના માર્ગદર્શન હેઠળ ટીમ પેટ્રોલિંગમાં હતી. આ દરમિયાન ખાનગી બાતમી મળી હતી કે એક કન્ટેનર એન એલ - એ બી -5683માં વિદેશી દારૂ ભરીને રાજકોટ તરફથી જૂનાગઢ તરફ લઈ જવામાં આવી રહ્યો છે

તેવી ચોક્કસ હકીકતના આધારે વીરપુર પાસે પીઠડીયા ગામ નજીક વોચ ગોઠવી શંકાસ્પદ કન્ટેનરને અટકાવ્યું હતું અને આ રોકેલ વાહનની તલાશી લેતા ટ્રોલિબેગ નીચે તેમાંથી અલગ-અલગ બ્રાન્ડની વિદેશી દારૂની બોટલો અને બિયરના ટીન મળી કુલ ૧૪,૧૮૪ નંગ જથ્થો મળી આવ્યો હતો. આ દારૂના જથ્થાને છુપાવવા માટે ટ્રોલી બેગના બોક્સનો ઉપયોગ કરવામાં આવ્યો હતો. પોલીસે આ કામગીરીમાં કન્ટેનર ચાલક ધોલારામ લુંભારામ બિશ્નોઈ રહે. બાડમેર, રાજસ્થાન ને ઝડપી ધરપકડ કરી હતી.

જ્યારે દારૂ મંગાવનાર અને મોકલનાર અન્ય બે બુટલેગરને ઝડપી લેવા ચક્રો ગતિમાન કર્યા છે ત્યારે પોલીસે આ દરોડા દરમિયાન વિદેશી દારૂ અને બિયર કિંમત રૂા. ૫૭,૧૯,૬૮૦,ટાટા કન્ટેનર ટ્રક કિંમત રૂા. ૨૦,૦૦,૦૦૦, મોબાઈલ ફોન અને રોકડ રકમ સહિત રૂા. ૭૭,૭૧,૩૮૦,નો મુદામાલ કબજે કર્યો હતો.

આ અંગેની કામગીરીમાં LCBના પીએસઆઈ એચ.સી.ગોહિલ, કે.એમ. ચાવડા, આર.વી. ભીમાણી સહિતની ટીમ જોડાયેલ હતી.