કુસ્તીબાજોના સમર્થનમાં આજે (10 જૂન) હરિયાણાના સોનેપતમાં એક મહાપંચાયત યોજાઈ હતી. મહાપંચાયતમાં નિર્ણય લેવાયો હતો કે જો સરકાર 15 જૂન સુધી કોઈ નિર્ણય નહીં લે તો આગળની રણનીતિ જાહેર કરવામાં આવશે. આ દરમિયાન કુસ્તીબાજ સાક્ષી મલિકે રેસલિંગ ફેડરેશન ઓફ ઈન્ડિયા (WFI)ના આઉટગોઇંગ પ્રેસિડેન્ટ બ્રિજભૂષણ શરણ સિંહની ધરપકડની માંગ કરી હતી.

સાક્ષી મલિકે કહ્યું, "જો બ્રિજ ભૂષણ સિંહ બહાર રહેશે તો ભયનું વાતાવરણ રહેશે. અમને લોકોનું સમર્થન મળી રહ્યું છે. અમે સત્યની લડાઈ લડી રહ્યા છીએ.



દિલ્હી પોલીસ ગતરોજ (9 જૂન) કુસ્તીબાજ સંગીતા ફોગટને રેસલિંગ ફેડરેશન ઓફ ઈન્ડિયા (WFI)ના આઉટગોઇંગ ચીફ બ્રિજ ભૂષણ શરણ સિંહના ઘરે લઈ ગઈ હતી. પોલીસે જણાવ્યું કે મહિલા રેસલરને રેસલિંગ ફેડરેશન ઓફ ઈન્ડિયાની ઓફિસમાં તપાસ માટે લઈ જવામાં આવી હતી. દરમિયાન, દિગ્ગજ કુસ્તીબાજો વિનેશ ફોગાટ અને બજરંગ પુનિયાએ ફરી એકવાર બ્રિજભૂષણ સિંહની ધરપકડની માંગ કરી છે.

તેણે ટ્વીટ કરીને કહ્યું કે, આ બ્રિજ ભૂષણની તાકાત છે. તે પોતાની મસલ પાવર, પોલિટિકલ પાવર અને ખોટા નિવેદનો ચલાવીને મહિલા રેસલર્સને હેરાન કરવામાં વ્યસ્ત છે, તેથી તેની ધરપકડ જરૂરી છે. પોલીસ અમને તોડવાને બદલે તેની ધરપકડ કરે તો ન્યાયની આશા છે, નહીં તો નહીં. મહિલા કુસ્તીબાજો પોલીસ તપાસ માટે ક્રાઈમ સાઈટ પર ગઈ હતી, પરંતુ તેઓ સમાધાન કરવા ગયા હોવાની વાત મીડિયામાં ચાલી હતી. પોલીસ અમને તોડવાનો પ્રયાસ કરી રહી છે.

મહિલા રેસલર્સે બ્રિજ ભૂષણ પર જાતીય સતામણીનો આરોપ લગાવ્યો છે. સૂત્રોએ જણાવ્યું, “બપોરે 1.30 વાગ્યાની આસપાસ, મહિલા અધિકારીઓ સંગીતા ફોગટ સાથે દિલ્હીમાં બ્રિજ ભૂષણના સત્તાવાર નિવાસસ્થાને પહોંચી. તેઓ ત્યાં લગભગ અડધો કલાક રોકાયા હતા.

દિલ્હી પોલીસની સ્પેશિયલ ઇન્વેસ્ટિગેશન ટીમ ઉત્તર પ્રદેશના કૈસરગંજથી બીજેપી સાંસદ અને WFIના પ્રમુખ બ્રિજ ભૂષણ વિરુદ્ધ જાતીય સતામણીના કેસની તપાસ કરી રહી છે. તપાસ રિપોર્ટ આવતા સપ્તાહ સુધીમાં સુપરત કરવામાં આવે તેવી શક્યતા છે. તપાસના ભાગરૂપે SITએ 180થી વધુ લોકોની પૂછપરછ કરી છે. દિલ્હી પોલીસે આ મામલે બે FIR નોંધી છે.