ઇન્સ્ટીટયુટ ઓફ ચાર્ટ એકાઉન્ટન્ટ્સ ઓફ ઇન્ડિયા - જામનગર બ્રાંચ દ્વારા તા. ૧૧ તથા ૧૨ માર્ચ-૨૦૨૩ ના રોજ સુમેર ક્લબ ખાતે રાત્રી પ્રકાશ ટેનીસ ક્રિકેટ ટુર્નામેન્ટ હાર્મની લીગ મેચ-૨ નું આયોજન કરવામાં આવેલ હતું.


આ ટુર્નામેન્ટમાં ઇન્સ્ટીટયુટ ઓફ ચાર્ટડ એકાઉન્ટન્ટ્સ ઓફ ઇન્ડિયા, જામનગર બાર કાઉન્સિલ એસોસીએશન, ઇન્ડિયન મેડીકલ એસોસીએશન-જામનગર, સેન્ટ્રલ ગુડ્ઝ એન્ડ સર્વિસ ટેક્સ, ઇન્કમટેક્ષ ડીપાર્ટમેન્ટ, લોકલ ક્રાઈમ બ્રાંચ-જામનગર, જામનગર ચેમ્બર ઓફ કોમર્સ એન્ડ ઇન્ડસ્ટ્રીઝ, સુમેર સ્પોર્ટ્સ ક્લબ, ઇન્ડિયન ડેન્ટલ એસોસીએશન-જામનગર અને જામનગર મહાનગરપાલિકા જેવી અલગ-અલગ ટીમોએ ભાગ લીધો હતો જેમાં ફાઈનલ મેચ જામનગર મહાનગરપાલિકા અને સુમેર સ્પોર્ટ્સ ક્લબ વચ્ચે રમાયેલ હતો.
આ મેચમાં જામનગર મહાનગરપાલિકા ઇલેવનનો વિજય થયો હતો.

​​​​​​​જેમાં જામનગર મહાનગરપાલિકાના ક્રિકેટ ટીમના વિજય બાબરીયાને મેન ઓફ ધ મેચ તથા મેન ઓફ ધ સીરીઝ જાહેર કરાયા હતા, જામનગર મહાનગરપાલિકાના મ્યુનિ. કમિશ્નર વિજયકુમાર ખરાડીએ દ્વારા ટીમનું સુકાન સંભાળી જામનગર મહાનગરપાલિકાની ટીમને વિજય અપાવ્યો હતો તેમજ રમતવીરોમાં ઉત્સાહ વધાર્યો હતો.