જ્યારે પણ આપણો કોઈ પ્રિય વ્યક્તિ આ દુનિયામાંથી વિદાય લે છે ત્યારે એ દુ:ખ શબ્દોમાં વ્યક્ત કરી શકાય તેમ નથી. ઘણી વખત આપણે ઈચ્છીએ છીએ કે જો તે એકવાર પાછો ફર્યો હોત તો આપણે આપણી લાગણી વ્યક્ત કરી શક્યા હોત. જો કે આ શક્ય નથી, પણ અમેરિકાના એક ફ્યુનરલ હોમમાં આવું જ બન્યું છે. અગ્નિસંસ્કાર માટે અહીં લાવવામાં આવેલી મહિલાના શ્વાસ છેલ્લી ઘડીએ પરત ફર્યા હતા.

જો કોઈને તબીબો દ્વારા મૃત જાહેર કરવામાં આવે તો તેની બચવાની આશા ખતમ થઈ જાય છે. જોકે, આ મહિલા સાથે તેનાથી વિપરીત થયું. અંતિમ સંસ્કાર વખતે મહિલા ઊભી થઈ. આ દ્રશ્ય જોઈને ત્યાં હાજર લોકો ડરી ગયા. જો કે, સદ્નસીબે વાત એ છે કે લોકોએ હિંમત એકઠી કરી અને મહિલાને હોસ્પિટલ પહોંચાડી.

કોન્સ્ટન્સ ગ્લાન્ઝ નામની 74 વર્ષની મહિલાની આ વાર્તા છે. ડેઈલી સ્ટારના અહેવાલ મુજબ તેમને મૃત જાહેર કરવામાં આવ્યા હતા. આ પછી, તેમના મૃતદેહને બોડી બેગમાં સ્મશાન સ્થળ પર લઈ જવામાં આવ્યો. મહિલાના મૃતદેહને ફ્યુનરલ હોમમાં રાખવામાં આવ્યો ત્યારે મહિલાના શ્વાસ ચાલતા હોવાનું જોઈને ત્યાં હાજર સ્ટાફ ગભરાઈ ગયો હતો. જોકે, ગભરાવાને બદલે તેઓએ તરત જ નિર્ણય લીધો અને તેને હોસ્પિટલ લઈ ગયા.

ત્યાં હાજર સ્ટાફે પણ મહિલાને સીપીઆર આપ્યું અને ઈમરજન્સી સર્વિસને ફોન કર્યો. ચીફ ડેપ્યુટી બેન હાઉચિને કહ્યું કે તેણે તેની 31 વર્ષની કારકિર્દીમાં આવું ક્યારેય જોયું નથી. જો કે, હોસ્પિટલ પહોંચ્યા પછી તરત જ મહિલાને ફરીથી મૃત જાહેર કરવામાં આવી હતી. પહેલા તેને સવારે 9.44 વાગ્યે મૃત જાહેર કરવામાં આવ્યા અને પછી 11.44 વાગ્યે ફોન આવ્યો કે તે જીવિત છે. હાલ મામલાની તપાસ કરવામાં આવી રહી છે કે આ કેવી રીતે થયું?