aajkaal@team

તણસા- ભાવનગર હાઇવે રોડ પર કોબડી ટોલનાકા પાસે રીક્ષાને કારે પાછળથી ટલ્લો મારતા રિક્ષામાં સવાર મહિલાને ગંભીર ઈજા થતાં સારવાર માટે હોસ્પિટલે ખસેડાયા હતા જ્યાં તેણીનું મોત નીપજ્યું હતું આ બનાવની અંગે વરતેજ પોલીસ મથકમા ફરિયાદ નોંધાઇ હતી.

આ બનાવની જાણવા મળતી વિગત મુજબ ભાવનગર શહેરના મિલેટરી સોસાયટી ખાતે રહેતા દિગ્વિજયસિંહ મૂળરાજસિંહ ગોહિલે એવા મલબની ફરિયાદ નોંધાવી હતી કે

દિગ્વિજયસિંહનાં માતા કૃષ્ણાબા મુળરાજસિંહ ગોહીલ તથા ભાભી નયનાબા અને કૃપલીબા પ્રાઇવેટ રીક્ષામા બેસી તણસા પાસે આવેલ ભારોલી ગામેથી ભાવનગર આવતા હતા ત્યારે  તણસા- ભાવનગર હાઇવે રોડ પર કોબડી ટોલનાકા પાસે પહોચતા કાર નંબર જીજે ૦૪ ડી ૩૩૪૫ ના ચાલકે પોતની કાર પુરઝડપે, બેફીકરાઇથી ગફલત ભરી રીતે ચલાવી રીક્ષાને પાછળથી ટલ્લો મારી કૃષ્ણાબાને ગંભીર ઇજાઓ પહોચતા કૃષ્ણાબાને સારવાર માટે હોસ્પિટલે ખસેડવામાં આવ્યા હતા જ્યાં તેણીનું સારવાર દરમિયાન મોત નિપજ્યું હતું