બેંગલુરુના રહેવાસી અરુણ કુમાર વટક્કે કોરોથ તાજેતરમાં અબુ ધાબી, યુએઈમાં આયોજિત બિગ ટિકિટ ડ્રો સિરીઝ નંબર 250 માં આશરે રૂ. 44 કરોડનું ઇનામ જીતીને કરોડપતિ બની ગયા છે. તેણે બિગ ટિકિટ વેબસાઇટ દ્વારા 22 માર્ચે લોટરીમાં પોતાને ટિકિટ નંબર 261031 ખરીદ્યો હતો, અને આ રેફલનો બીજો પ્રયાસ હતો.
​​​​​​​

અબુ ધાબી લોટરી શોના હોસ્ટ તરફથી તેને તેની લાઈવ માહિતી આપતો ફોન આવતા, અરુણ કુમાર વટક્કેએ શરૂઆતમાં વિચાર્યું કે આ એક પ્રેંક કોલ છે અને તેણે ફોન કાપી નાખ્યો. થોડી વારમાં ફોન નંબર પણ બ્લોક કરી નાખ્યો. પરંતુ જ્યારે તેને બીજા નંબર પરથી ફોન આવ્યો ત્યારે તેને ખબર પડી કે તેણે ખરેખર મોટું ઇનામ જીતી લીધું છે. તેમણે કહ્યું કે, હું માની શકતો ન હતો કે મેં પ્રથમ ઇનામ જીત્યું છે. હું હજુ પણ માની શકતો નથી. મેં આ ટિકિટ 'Buy 2 get 1 free' વિકલ્પ દ્વારા ખરીદી છે. મેં જીતેલી ટિકિટ મારી ત્રીજી હતી. 

અરુણ કુમાર, જેઓ હાલમાં એક હોસ્પિટલમાં ઘૂંટણની સર્જરી કરાવી રહ્યા છે, તે પૈસાનો ઉપયોગ બિઝનેસ શરૂ કરવાના તેમના સપનાને પૂર્ણ કરવા માટે કરવાની યોજના ધરાવે છે. 

અરુણ કુમાર ઉપરાંત, અન્ય એક ભારતીય નાગરિક, બહેરીનમાં રહેતા સુરેશ માથને 22 લાખ રૂપિયાનું બીજું ઇનામ જીત્યું, જ્યારે ત્રીજું ઇનામ ઓમાન સ્થિત ભારતીય નાગરિક મુહમ્મદ શફીકને મળ્યું.