ભારત અને ન્યુઝીલેન્ડની ટીમો ચેમ્પિયન્સ ટ્રોફી 2025 ની ફાઇનલ માટે તૈયાર છે. ટીમ ઈન્ડિયાએ ગ્રુપ મેચમાં ન્યુઝીલેન્ડને હરાવ્યું હતું પરંતુ ફાઇનલમાં જીત મેળવવી એટલી સરળ નથી. ન્યુઝીલેન્ડની ટીમ ભારતને કઠિન ટક્કર આપી શકે છે. ICC એ ચેમ્પિયન્સ ટ્રોફી 2025 ની ફાઇનલ માટે રિઝર્વ ડે રાખ્યો છે. જો વરસાદને કારણે આજે આ મેચ ન રમાય તો તેને રિઝર્વ ડે પર રમી શકાય છે. આ સાથે જ વરસાદને લઈને પણ ઘણા નિયમો છે.

ભારત અને ન્યુઝીલેન્ડ વચ્ચેની ફાઇનલ મેચ આજે દુબઈમાં રમાશે. જો અહેવાલો પર વિશ્વાસ કરવામાં આવે તો હવામાન સ્વચ્છ રહેશે. આ મેચ બપોરે 2.30 વાગ્યે શરૂ થશે. ICC એ ફાઇનલ મેચ માટે રિઝર્વ ડે રાખ્યો છે. જો વરસાદને કારણે મેચ પ્રભાવિત થાય છે તો સોમવારે રિઝર્વ ડે પર મેચ રમવામાં આવશે. ભારત અને શ્રીલંકાને 2002ની ચેમ્પિયન્સ ટ્રોફીના સંયુક્ત વિજેતા જાહેર કરવામાં આવ્યા હતા. 2002 માં, વરસાદને કારણે ફાઇનલ મેચ રમાઈ શકી ન હતી.

ICC એ ફાઇનલ મેચ માટે આ નિયમો નક્કી કર્યા

ફાઇનલ મેચ ઓછામાં ઓછી 25-25 ઓવર સુધી રમવી જોઈએ. જો આ મેચ ટાઇ થાય કે ડ્રો થાય તો પરિણામ સુપર ઓવર દ્વારા નક્કી કરવામાં આવશે. બંને ટીમોને એક-એક ઓવર રમવાની તક મળશે.

આ વખતની ચેમ્પિયન્સ ટ્રોફીમાં ટીમ ઈન્ડિયાનું પ્રદર્શન જોરદાર 

ભારતે આ વખતે તેની બધી ગ્રુપ મેચ જીતી. ટીમ ઈન્ડિયાએ બાંગ્લાદેશ, પાકિસ્તાન અને ન્યુઝીલેન્ડને હરાવ્યા. એ પછી, ઓસ્ટ્રેલિયાને સેમિફાઇનલમાં હરાવ્યું. હવે ભારત ફરી એકવાર ન્યુઝીલેન્ડ સામે ટકરાશે. આ મેચ પહેલા ન્યુઝીલેન્ડને આંચકો લાગી શકે છે. ટીમનો શ્રેષ્ઠ ખેલાડી મેટ હેનરી ઘાયલ હોવાથી ફાઇનલમાંથી બહાર

થઈ શકે છે.