મહાપાલિકા તંત્ર દ્વારા આજે સતત ત્રીજા દિવસે પણ દબાણ હટાવ અભીયાન જારી રાખી શહેરના કરચલીયા પરા વિસ્તારમાં આવેલી મટન માર્કેટ અને તેની આજુબાજુના અસ્થાયી દબાણો હટાવી તમામ માલસામાન જપ્ત કર્યો હતો. દબાણ હટાવ સેલની ટીમે આજે કરચલીયા પરા બાદ રાણીકા અને લીંબડીવાળી સડક સહિત આજુબાજુના વિસ્તારોમાં અડચણ‚પ રહેલા અસ્થાયી દબાણો હટાવી દીધા હતા. આ ઉપરાંત કેટલાક રહેણાંકના આસામીઓ દ્વારા ગેરકાયદે ઓટલા સહિતના નાના ચણતર કામ કર્યા હોય તેને પણ દૂર કરાયા હતા. દબાણ‚પ અડચણો દૂર કરી દબાણ હટાવ સેલે તમામ માલસામાન જપ્ત કર્યો હતો. આજે હાથ ધરાયેલા અભીયાનમાં બપોર બાદ શહેરના અન્ય વિસ્તારોમાં પણ દબાણ હટાવ સેલની ટીમ ત્રાટકનાર હોવાનું જાણવા મળ્યું હતું.