વાડી નજીક ચેકડેમ પાસેથી અજાણ્યા શખ્સો કળા કરી ગયા

જામનગરની ભાગોળે આવેલ બેરાજા ગામની સીમમાં વાડી નજીક ચાર ખેડુતના ઇલેકટ્રીક મોટરના વાયર અજાણ્યા શખ્સો ચોરી કરી ગયા છે જેમાં ફરીયાદ થતા તપાસ ચલાવવામાં આવી રહી છે.
જામનગર તાલુકાના પસાયા બેરાજામાં રહેતા ખેડુત ગોપાલ કાનજીભાઇ મોલીયાએ અજાણ્યા શખ્સો સામે ગઇકાલે પંચ-એમાં ચોરીની ફરીયાદ નોંધાવી હતી.
ગામની સીમમાં આવેલી ગોપાલભાઇની વાડીની બાજુમાં ચેકડેમમાં રાખેલ પાણીની મોટરનો ઇલેકટ્રીક વાયર ૬૦ મીટર તથા તેની બાજુમાં છગનભાઇ ડોબરીયાનો ૧૨૫ ફુટ કેબલ તથા વિપુલભાઇ મોલીયાનો આશરે ૫૦ ફુટ વાયર, કલ્પેશભાઇ સાવલીયાનો ૧૦૦ ફુટ કેબલ મળી કુલ ૧૦૦૫૦ની કિંમતનો ઇલે. વાયર અજાણ્યા શખ્સો ગત તા. ૪ના સમય દરમ્યાન ચોરી કરી લઇ ગયા છે. જે ફરીયાદના આધારે પોલીસ દ્વારા તપાસ ચલાવવામાં આવી રહી છે.