હોલીવુડનો આ અભિનેતા દરિયામાં સર્ફિંગ કરવા ગયો હતો

હોલિવૂડ એક્ટર તમાયો પેરીના દુઃખદ મૃત્યુના સમાચારે ચાહકોને ચોંકાવી દીધા છે. સમુદ્રમાં સર્ફિંગ કરતી વખતે તેના પર શાર્ક દ્વારા હુમલો કરવામાં આવ્યો હતો. તેને કિનારે લાવવામાં આવ્યો ત્યાં સુધીમાં તે મરી ચૂક્યો હતો. તે 2016થી લાઈફગાર્ડ તરીકે કામ કરતો હતો.જોની ડેપની ફિલ્મ 'પાઇરેટ્સ ઓફ ધ કેરેબિયન'માં કામ કરનાર હોલિવૂડ એક્ટર તમાયો પેરીનું શાર્કના હુમલાને કારણે મોત થયું છે. તેઓ 49 વર્ષના હતા. અભિનેતા હોવાની સાથે, તમાયો હવાઈમાં લાઈફગાર્ડ અને સર્ફિંગ ટ્રેનર પણ હતા. તે 'બ્લુ ક્રશ' અને 'ચાર્લીઝ એન્જલ્સ' જેવી ફિલ્મો માટે જાણીતો હતો. તેમના નિધનના સમાચારથી ચાહકો અને ફિલ્મ ઈન્ડસ્ટ્રી આઘાતમાં છે.હોનોલુલુ ઇમરજન્સી મેડિકલ સર્વિસે તામાયો પેરીના દુઃખદ મૃત્યુના સમાચારની પુષ્ટિ કરી છે હવાઈના ઓહુ નજીક બકરી દ્વીપ પાસે તામાયો પર શાર્ક દ્વારા હુમલો કરવામાં આવ્યો હતો. એક વ્યક્તિએ તમાયોને લોહી નિંગળતી હાલતમાં જોયો અને તાત્કાલિક ઈમરજન્સી સર્વિસને જાણ કરી. અધિકારીઓ સ્થળ પર પહોંચ્યા અને તેને જેટ સ્કી પર દરિયા કિનારે લાવ્યા, પરંતુ ત્યાં સુધીમાં તે મૃત્યુ પામ્યો હતો.અહેવાલો અનુસાર, તામાયો પેરીના શરીર પર શાર્કના ડંખના અનેક નિશાન હતા. અભિનેતાના મૃત્યુ પછી, સમુદ્ર સુરક્ષા અધિકારીઓએ આ વિસ્તારમાં શાર્ક ચેતવણી પોસ્ટ કરી. એવું પણ કહેવામાં આવી રહ્યું છે કે તમાયોએ થોડા સમય માટે લાઇફગાર્ડ ડ્યુટીમાંથી બ્રેક લીધો હતો અને સર્ફિંગ કરવા ગયો હતો.