સોશિયલ મીડિયામાં પર યુઝર્સ વધુ લાઇક્સ મેળવવા તેમજ વ્યુ મેળવવા માટે વીડિયો બનાવવામાં આદિન થઇ જાય છે. પરંતુ આ શોખ ક્યારેક તેમનો ભોગ લઇ લે છે. આવી જ એક ઘટના ચોંકાવનારી ઘટના સામે આવી છે.

મહારાષ્ટ્રમાં એક યુવતી કારમાં બેસીને રીલ બનાવી રહી હતી. 23 વર્ષીય યુવતીનું નામ શ્વેતા સુરવસે છે જે કારની અંદર હતી અને બહારથી યુવક તેનો વીડિયો શુટ કરી રહ્યો હતો. યુવતી બ્રેક લગાવવાનું ભૂલી ગઈ અને બ્રેકની જગ્યાએ એક્સિલરેટર દબાવી દીધુ હતુ જેના કારણે તે કાર સાથે 300 ફૂટ ઉંડી ખાઈમાં પડતા તેનું દર્દનાક મોત થયું હતુ.

એક પોલીસ અધિકારીએ જણાવ્યું કે, આ ઘટના સોમવારે બની હતી અને યુવતીની ઓળખ 23 વર્ષીય શ્વેતા સુરવસે તરીકે થઈ છે. રિપોર્ટ અનુસાર જ્યારે અકસ્માત થયો ત્યારે યુવતી ડ્રાઇવિંગ કરતી વખતે વીડિયો શૂટ કરી રહી હતી. સોમવારે મહારાષ્ટ્રના છત્રપતિ સંભાજી નગરમાં યુવતી રિવર્સ ગિયરમાં ગાડી ચલાવી રહી હતી અને ભૂલથી અકસ્માતે એક્સિલરેટર દબાવી દીધું હતું. કાર 300 ફૂટ ઉંડા ખાઇમાં પડતાં યુવતીનું મોત થયું હતું.

રિપોર્ટ અનુસાર, યુવતી કાર ચલાવતી વખતે વીડિયો શૂટ કરી રહી હતી. જ્યારે શ્વેતા સુરવસેનો મિત્ર શિવરાજ મુલે વીડિયો શૂટ કરી રહ્યો હતો ત્યારે તેણે કાર ચલાવવાનો પ્રયાસ કર્યો હતો. દુર્ભાગ્યવશ, જ્યારે કાર રિવર્સ ગિયરમાં હતી, ત્યારે તેણે અકસ્માતે એક્સિલરેટર દબાવી દીધું. જેના કારણે કાર પાછળની તરફ સરકી હતી અને ક્રેશ બેરિયર તોડીને ખાડામાં પડી હતી.

જ્યાં કાર ખાડામાં પડી હતી તે સ્થળે પહોંચવામાં બચાવકર્મીઓને એક કલાકથી વધુ સમય લાગ્યો હતો. ઘટનાસ્થળે પહોંચ્યા બાદ યુવતીને નજીકની હોસ્પિટલમાં લઈ જવામાં આવી, જ્યાં ડોક્ટરોએ તેને મૃત જાહેર કરી. છે.