છેલ્લા બે દિવસથી માવઠાના પગલે વાતાવરણ માં અસર પહોંચતા હવાઈ સેવા ના શેડ્યુલ પર અસર થાય છે ગઈકાલે બે ફ્લાઈટ બાદ આજે સવારે મુંબઈની ફ્લાઈટ 20 થી 25 મિનિટ મોડી લેન્ડિંગ થઈ હતી. આજે વહેલી સવારે વાતાવરણમાં ધુમ્મસની ચાદર છવાઈ ગઈ હતી જેને પગલે મુંબઈથી રાજકોટ આવી રહેલી એર ઇન્ડિયાની સવારની 08:10 મિનિટની ફ્લાઈટ 08:25 મિનિટે લેન્ડિંગ થઈ હતી. જો કે ઈન્ડીગોની દિલ્હી અને મુંબઈની ફ્લાઈટને અસર ન થઈ હતી એ સમયે વાતાવરણ ચોખ્ખું થઈ જતા આ ફ્લાઈટ એ સમયસર ટેકઓફ અને લેન્ડિંગ કર્યું હતું. અત્રે ઉલ્લેખનીય છે કે ઇન્ટરનેશનલ એરપોર્ટ પર 11 જેટલી ડોમેસ્ટિક ફ્લાઈટ નિયમિત રીતે ઉડાન ભરી રહે છે જેમાં સૌથી વધારે મુંબઈ દિલ્હી અને પુના માટેનો ટ્રાફિક નોંધાઈ રહ્યો છે. હાલમાં હીરાસર સુધી પહોંચવા માટે ઓવરબ્રિજ ની કામગીરી ચાલતી હોવાથી રાજકોટ થી હીરાસર પહોંચવા માટે મુસાફરો સાથે એરપોર્ટના કર્મચારીઓને પણ ભારે અગવડતા ભોગવી પડી રહી છે.