શહેરના પેડક રોડ સેટેલાઇટ ચોકમાં વાલ્મિકી આવાસ યોજનાના ક્વાર્ટર નંબર 72માં રહેતા પ્રિયંકાબેન રવિભાઈ જેઠવા (ઉ.વ.24)મનાઈ પરિણીતાએ બી ડિવિઝન પોલીસમાં નોંધાવેલી ફરિયાદમાં પતિ રવિ જેઠવાનું નામ આપ્યું છે, ફરિયાદમાં જણાવ્યું છે કે, રવિ સાથે સાતેક વર્ષથી પત્ની તરીકે રહુ છું, અને રવિ કેટરર્સનું કામ કરે છે, રવિ થકી સંતાનમાં ચાર વર્ષનો પુત્ર છે, મારા પિતા અમારી જ વિંગમાં ત્રીજા ફ્લોર ઉપર રહે છે, અને મારી નાની બહેન કિંજલ અર્જુનભાઈ વાઘેલા મારા બ્લોકની સામે રહે છે. મંગળવારે હું, અમારો પુત્ર જિયાન્સ મારી નાની બહેન કિંજલ અને બનેવી અર્જુનભાઈ બજરંગ વાડી પાસે આવેલા ઉગતા પોરની મેલડીમાંના મંદિરે દર્શન કરવા માટે ગયા હતા દર્શન કરી આઠેક વાગ્યે ઘરે પરત આવતા પતિ રવિ ઉશ્કરાઈ ગયો હતો અને મને પૂછ્યા વગર કેમ જતી રહે છે ? કહી બોલાચાલી કરવા લાગતા મેં તેને ધીમે બોલવાનું કહેતા ગાળાગાળી કરી કરવા લાગતા ઉપર ત્રીજા માળે રહેતા મારા પિતા ભરતભાઈ નીચે આવ્યા હતા અને રવિને ઝગડો ન કરવા માટેનું સમજાવતા તેને પણ રવિ ગાળો આપવા લાગ્યો હતો. પિતાએ તેને ગાળો આપવાની ના પાડતા રવિ વધુ ઉશ્કેરાઈ રૂમમાંથી છરી લાવી મારા પિતા ઉપર હુમલો કરતા એક ઘા પેટના કમરના ભાગે, અને બીજો ઘા છાતીના ડાબા પડખે મારી દેતા હું છોડાવવા વચ્ચે પડતા છરીનો ઘા મારા કપાળમાં ભાગે લાગી જતા દેકારો થવાથી પડોશીઓ દોડી આવતા રવિ ત્યાંથી ભાગી ગયો હતો, મને અને મારા પિતાને સિવિલ હોસ્પિટલમાંખસેડાયા હતા. વધુમાં જણાવ્યું હતું કે, રવિ અનેક વાત ઘરમાં નાના-મોટા ઝગડો કરતો હતો પરંતુ ઘર સંસાર બગડે નહિ એટલા માટે હું આજદિન સુધી ફરિયાદ કરતી નહતી. પોલીસે પરિણીતાની ફરિયાદના આધારે રવિ રામજીભાઈ જેઠવા સામે આઇપીસી 326,323, 498(ક) 135 મુજબ ગુનો નોંધી આગળની તપાસ હાથ ધરી છે.