રાજકોટમાં મનપા આરોગ્ય ક્ષેત્રે વધુ એક કદમ આગળ વધી રહ્યું છે. હવેથી રાજકોટ શહેરના 5 આરોગ્ય 24 કલાક ચાલુ રાખવામાં આવશે જેને લઇને રાજકોટવાસીઓને આરોગ્યલક્ષી સેવા 24×7 મળી રહેશે. આગામી 1 મહિના બાદ આ સેવા શરૂ કરી નાખવામાં આવશે. જેના માટે સ્ટાફની ભરતીની પ્રક્રિયા પણ ચાલી રહ્યુ છે. તેમજ આરોગ્ય કેન્દ્રમાં સગર્ભાઓની ડિલિવરીની સેવા પણ ઉપલબ્ધ કરવામાં આવશે. ક્યાં પાંચ આરોગ્ય કેન્દ્રમાં આ સેવા શરૂ કરાશે તે બાબતે આગામી દિવસોમાં નિર્ણય કરવામાં આવશે. પરંતુ આ સેવાને લઇને હવે રાજકોટના નાગરિકો આરોગ્ય કેન્દ્રનો લાભ 24 કલાક લઈ શકશે. 

રાજકોટ મનપાના આરોગ્ય કેન્દ્રમાં સ્ટાફની ભરતી પ્રક્રિયા શરૂ : ડે.કમિશનર

રાજકોટ શહેરના પાંચ આરોગ્ય કેન્દ્ર જેમાં 24 કલાક સેવા આપવામાં આવશે. તેમાં મેડિકલ ઓફિસર, ફાર્માસિસ્ટ, લેબ ટેકનીશ્યન, નિષ્ણાંત ડોક્ટર્સ સહિતનો સ્ટાફ ઉપલબ્ધ રહેશે. ભરતી સહિતની પ્રક્રિયા પણ હાલ મનપા દ્વારા ચાલી રહી છે. ટૂંક સમયમાં ભરતીની પ્રક્રિયા પૂર્ણ થઈ જશે.