જામનગરમાં સુભાષ બ્રિજ નજીક રહેતા એક યુવાને આર્થિક તંગીના કારણે તેમજ લગ્ન થતા ન હોવાના કારણે ઝેરી દવા પી લઈ આત્મહત્યા કરી લીધી છે. જે મામલે પોલીસ વધુ તપાસ ચલાવે છે.


જામનગરમાં સુભાષ બ્રિજ નજીક એમ.બી. બિલ્ડીંગ ખાતે રહેતા અને લુહારી કામ કરતા જયેશ દેવજીભાઈ સોલંકી નામના ૪૨ વર્ષના લુહાર જ્ઞાતિના યુવાને પોતાના ઘેર ઝેરી દવા પી લઈ આત્મહત્યાનો પ્રયાસ કરતાં તેને સારવાર માટે હોસ્પિટલમાં ખસેડાયા પછી તેનું મૃત્યુ નીપજ્યું હોવાનું જાહેર કરાયું હતું.





મૃતકના મોટાભાઈ રાજેન્દ્ર દેવજીભાઈ સોલંકી એ પોલીસને જાણ કરતાં સીટી એ. ડિવિઝન પોલીસ સ્ટેશનની પોલીસ ટુકડીએ મૃતદેહનો કબજો સંભાળી પોસ્ટ મોર્ટમ સહિતની કાર્યવાહી હાથ ધરી છે.


 પોલીસમાં જાહેર કરાયા અનુસાર મૃતક યુવક છૂટક મજૂરી કામ કરતો હતો, અને તેની ઘરની આર્થિક પરિસ્થિતિ સારી ન હતી, જેથી તંગી ભોગવતો હતો. ઉપરાંત તેના લગ્ન પણ થયા ન હોવાથી લગ્ન બાબતે મનમાં લાગી આવતાં ઝેરી દવા પી લઈ આપઘાત કરી લીધો હોવાનું પોલીસમાં જાહેર કરાયું છે.