બેક્ટેરિયા વરસાદની મોસમમાં ઝડપથી વધે છે. જેની અસર શરીર પર પણ પડે છે. ખાસ કરીને જે લોકોની ત્વચા સંવેદનશીલ હોય છે. તેઓના ચહેરા પર ખીલ અને પિમ્પલ્સ તેમજ શરીર પર ફોલ્લીઓ થાય છે. આવી સ્થિતિમાં લીમડાના પાન એક અસરકારક ઉપાય છે. લીમડાના પાનનો રોજ ઉપયોગ કરવાથી વરસાદને કારણે ત્વચાની સમસ્યાઓથી બચી શકાય છે. જાણો લીમડાના પાનનો ઉપયોગ કેવી રીતે કરવો.

દરરોજ નહાવાના પાણીમાં લીમડાના પાનનો ઉપયોગ કરવાથી શરીર બેક્ટેરિયા મુક્ત રહે છે. લીમડાના પાનને પાણીમાં ઉકાળો અને તેને નહાવાના પાણીમાં ઉમેરો. જો વરસાદ દરમિયાન તમારા શરીરમાં ખંજવાળ આવે છે, તો લીમડાના પાનની પેસ્ટને ખંજવાળવાળી જગ્યા પર લગાવો. વારંવાર થતી ખંજવાળથી રાહત આપશે.

જો માથાની ચામડીમાં ખંજવાળ આવતી હોય અથવા દુર્ગંધ આવતી હોય તો લીમડાના પાનની પેસ્ટ બનાવીને માથા પર લગાવો અને અડધો કલાક રહેવા દો. પછી પાણીથી માથાની ચામડી સાફ કરો. જો ખૂબ જ ડેન્ડ્રફ હોય તો લીમડાના પાનને એક લિટર પાણીમાં ઉકાળો. જ્યારે આ પાણી સંપૂર્ણપણે લીલું થઈ જાય ત્યારે તેને ગાળીને ઠંડુ કરો. શેમ્પૂ કર્યા પછી, આ પાણીથી તમારા માથાને છેલ્લે ધોઈ લો.

જો ચહેરા પર પિમ્પલ્સ દેખાય તો લીમડાના પાનનો પેસ્ટ બનાવીને તેમાં એલોવેરા જેલ મિક્સ કરીને લગાવો. ઉકાળેલા લીમડાના પાનની પેસ્ટ હળદરમાં ભેળવીને લગાવો. ત્વચા સાફ થઈ જાય છે અને નાના પિમ્પલ્સમાં રાહત મળે છે. 

જો તમે લીમડાના પાનને પાણીમાં ઉકાળો અને આ પાણી માત્ર 10 મિલી પીઓ તો એન્ટી-બેક્ટેરિયલ ગુણ શરીરમાંથી બેક્ટેરિયાને દૂર કરવામાં મદદ કરે છે. જો કે, આ લેખ ફક્ત સામાન્ય માહિતી માટે છે. કોઈપણ પ્રયોગ કરતા પહેલા નિષ્ણાતની સલાહ અવશ્ય લેવી.