ભાજપ, કોંગ્રેસ, આપ, બસપા અને અપક્ષોમાં ભારે થનગનાટ

રાજકોટ મહાનગરપાલિકાના વોર્ડ નંબર 15ની બે બેઠકની ચૂંટણીનું જાહેરનામું ગઈકાલે પ્રસિદ્ધ થયા બાદ પ્રથમ દિવસે જ 21 ફોર્મ નો ઉપાડ થયો છે અને આજે બીજા દિવસે બપોરે 1:00 વાગ્યા સુધીમાં વધુ 12 ફોર્મ ઉપડી ગયા છે.હજુ સુધી એક પણ ફોર્મ ભરાઈને પરત આવ્યું નથી.

જુની કલેકટર કચેરીમાં ફોર્મ આપવાની અને ભરાયેલા ફોર્મ સ્વીકારવાની વ્યવસ્થા કરવામાં આવી છે. ગઈકાલે ભાજપે એક સાથે 10 ફોર્મનો ઉપાડ કર્યો હતો. કોંગ્રેસે ગઇકાલે બે અને આજે ચાર ફોર્મ ઉપાડ્યા છે. આમ આદમી પાર્ટીએ પણ ફોર્મ ઉપાડ્યા છે. આજે બસપાએ 4 અને અપક્ષોએ ચાર ફોર્મ ઉપાડ્યા છે. અત્યાર સુધીમાં 33 ફોર્મનો ઉપાડ થયો છે.

ઉમેદવારોની પસંદગીના મામલે ભાજપમાં સેન્સની પ્રક્રિયા પૂરી કરી દેવામાં આવી છે. તારીખ 22 સુધીમાં ફોર્મ ભરવાના છે અને તે જોતા ભાજપ તેના ઉમેદવારોના નામની જાહેરાત તારીખ 21 ના સાંજે અથવા તો તારીખ 22 ના સવારે કરે તેવી શક્યતા છે કોંગ્રેસે આજે બપોરે ચાર વાગે વોર્ડ નંબર 15માં આ સંદર્ભે એક મીટીંગ બોલાવી છે અત્યાર સુધીમાં કોંગ્રેસમાં પણ ૨૦ થી ૨૫ જેટલા દાવેદારો હોવાનું બિન સત્તાવાર રીતે જાણવા મળે છે.