રોયલ ચેલેન્જર્સ બેંગ્લોર (RCB)ના બેટ્સમેન અને ભૂતપૂર્વ ભારતીય કેપ્ટન વિરાટ કોહલીએ ઈન્સ્ટાગ્રામ પર દિલ્હી કેપિટલ્સ (DC)ના માર્ગદર્શક અને પૂર્વ BCCI પ્રમુખ સૌરવ ગાંગુલીને અનફોલો કર્યા હોવાના અહેવાલ છે. આ પહેલા શનિવારે બેંગલુરુના એમ. ચિન્નાસ્વામી સ્ટેડિયમમાં આરસીબીએ દિલ્હીને 23 રનથી હરાવ્યું હતું. તે દરમિયાન સૌરવ ગાંગુલી કોહલી સાથે હાથ મિલાવવાનું ટાળ્યું હતું.

આ વીડિયોમાં, જ્યારે મેચ બાદ બંને ટીમના ખેલાડીઓ અને સપોર્ટ સ્ટાફ એકબીજા સાથે હાથ મિલાવતા હતા, ત્યારે કોહલી અને ગાંગુલી જ્યારે સામસામે આવ્યા ત્યારે હાથ મિલાવ્યા નહોતા.