આમ તો વજન વધારે હોવું એ કોઈ પણ વ્યક્તિ માટે યોગ્ય નથી કેમ કે મેદસ્વીપણું ઘણી બીમારીઓને જન્મ આપે છે. ડોક્ટર પણ દરેકને વજન ઘટાડવા માટે સલાહ આપે છે પરંતુ કેનેડાની રહેવાસી જેલિન ચૈને પોતાના મોટાપાને જ કમાણીનું સાધન બનાવી દીધુ છે. તે આના દ્વારા દર વર્ષે કરોડો રૂપિયા કમાય છે.

જેલિનનું વજન એટલુ છે કે વિમાનની એક સીટમાં સમાઈ શકતી નથી. ગત દિવસોમાં જેલિનને વિમાન કંપનીઓને માંગણી કરી કે સ્થૂળ લોકો માટે ફ્રી સીટની વ્યવસ્થા કરો જેથી તેઓ આરામથી મુસાફરી કરી શકે. હવે તેણે એ ખુલાસો કરીને સૌને ચોંકાવી દીધા છે કે મોટાપાને કારણે તે દર મહિને  લાખોની કમાણી કરી રહી છે. તેણે તેની રીત પણ જણાવી છે.

અહેવાલ મુજબ કેનેડાના વેનકુવરમાં રહેતી જેલિન ચૈને એક ઈન્ફ્લૂએન્સર છે અને ટ્રાવેલ-લાઈફસ્ટાઈલ જેવા મુદ્દા પર લોકોને જાણકારી આપે છે. સોશિયલ મીડિયા સાઈટ ટિકટોક પર તેના ૧૩૪,૦૦૦ ફોલોઅર્સ છે. તાજેતરમાં જ તેણે ખુલાસો કર્યો કે મોટાપાના કારણે તેણીને ગૂગલ, મેકડોનાલ્ડસ, આફ્ટરપે, પોશમાર્ક અને હિલ્ટન હોટલ્સ સાથે ઘણી ડીલ મળી છે.

આ બ્રાન્ડ્સ દ્વારા તેમને ખૂબ પૈસા મળી રહ્યા છે. એટલુ જ નહીં, ટિકટોક પર પોતાના વીડિયો દ્વારા તે હજારો ડોલર દર મહિને કમાઈ રહી છે. હવે જેલીની પાસે એટલા રૂપિયા છે કે તે વિમાનની ઘણી સીટો બુક શકે છે. જેલિન ચૈને લોકોને જણાવે છે કે તેને સ્થૂળ હોવાના કારણે કયા પ્રકારની મુશ્કેલીઓનો સામનો કરવો પડી રહ્યો છે.