સોશિયલ મીડિયાના યુગમાં વ્યક્તિ જેટલો સોશિયલ બની રહ્યો છે તેટલો જ તે જૂઠો પણ બની રહ્યો છે. તે પોતાનું વાસ્તવિક જીવન છુપાવીને ઓનલાઈન અલગ લાઇફ બનાવી રહ્યો છે અને એક અલગ જીવન શો કેસ કરી રહ્યો છે, જેથી લોકો તેને પસંદ કરે. વર્ષ 2019માં બરેલીના એક રિક્ષાચાલકે પણ આવું જ કર્યું હતું. તેણે સોશિયલ મીડિયા પર પોતાની ઓળખ સરકારી અધિકારી તરીકે આપી અને 3000 છોકરીઓ સાથે મિત્રતા કરી, તેમાંથી 16 સાથે વધુ વાતચિત કરવાનું શરૂ કર્યું અને તેમને પોતાની ઓનલાઈન ગર્લફ્રેન્ડ બનાવી. તે સમયે તેને જેલમાં ધકેલી દેવામાં આવ્યો હતો, પરંતુ ફરી એકવાર જ્યારે આ વ્યક્તિની ઈન્સ્ટાગ્રામ પર ચર્ચા થઈ તો લોકોએ ફની કોમેન્ટ કરીને તેને યાદ કર્યો છે.

તાજેતરમાં ઇન્સ્ટાગ્રામ  પર એક વીડિયો પોસ્ટ કરવામાં આવ્યો છે, જે જૂના પેપર કટીંગનો છે. એવું કહેવામાં આવ્યું છે કે 52 વર્ષના એક પુરુષની 3 હજાર ગર્લફ્રેન્ડ છે. આ મામલો 2019નો છે. રિપોર્ટ્સ અનુસાર, આ વ્યક્તિનું નામ જાવેદ છે જે ઉત્તર પ્રદેશના બરેલીનો રહેવાસી છે. તે સમયે તે 52 વર્ષનો હતો અને રિક્ષા ચલાવતો હતો. પરંતુ તેણે ફેસબુક પર એક એકાઉન્ટ બનાવ્યું અને પોતાને આઈપીએસ ઓફિસર નૂરૂલ હસન કહેવા લાગ્યો. આ પછી તેણે 3 હજાર યુવતીઓ સાથે મિત્રતા કરી અને તેમાંથી ઘણી યુવતીઓને પોતાની જાળમાં ફસાવી.

ફેસબુક પર તેની સાથે ઘણા લોકો જોડાયેલા હતા, જેમાંથી મોટાભાગની છોકરીઓ હતી. ઘણી છોકરીઓએ તેને લગ્નના પ્રસ્તાવ પણ મોકલ્યા હતા. તેણે મુંબઈથી બરેલી સુધી ઘણી છોકરીઓ સાથે વાત કરવાનું શરૂ કર્યું. માત્ર વાત જ નહીં, તેમની પાસેથી અભદ્ર તસવીરો પણ માંગી. ઘણી છોકરીઓ આ કરવા માટે સંમત પણ થઈ. તેની પત્નીને તેના વિશે ખબર હતી અને તે તેના વિશે ખૂબ ગુસ્સે હતી. તેણે આ મામલે જાવેદના 5 ફોન તોડી નાખ્યા હતા. એક યુવાન પુત્રનો પિતા હોવાને કારણે, પત્નીએ તેના પતિના આવા કાર્યોથી વધુ શરમ અનુભવી. જ્યારે પોલીસે જાવેદનો મોબાઈલ ફોન ચેક કર્યો તો તેમને 16 છોકરીઓના એકાઉન્ટ મળ્યા જેની સાથે તે વાત કરતો હતો. જ્યારે છોકરીઓ તેને વીડિયો કોલ કરતી ત્યારે તે તેમનો ફોન ઉપાડતો ન હતો. આ વીડિયોને 10 લાખ વ્યૂઝ મળ્યા છે અને ઘણા લોકોએ ફની રિએક્શન આપ્યા છે. એકે કહ્યું કે હવે રિક્ષા લેવી બહુ જરૂરી છે!, અન્ય લોકોએ પણ ઘણી રમુજી પ્રતિક્રિયા આપી છે.