પઠાણ બાદ શાહરૂખ ખાનની વર્ષની બીજી ફિલ્મ જવાનની રિલીઝને હવે ગણતરીના દિવસો જ બાકી છે. આ ફિલ્મ 7 સપ્ટેમ્બરે સિનેમાઘરોમાં રિલીઝ થશે. સોશિયલ મીડિયા પર આ ફિલ્મની ખૂબ ચર્ચા થઈ રહી છે. તેની રિલીઝ પહેલા જ આ ફિલ્મે જોરદાર કમાણી શરૂ કરી દીધી છે.

રિપોર્ટ અનુસાર, કંપનીએ ઉત્તર અને પશ્ચિમ ભારતમાં જવાનના થિયેટ્રિકલ રાઇટ્સ ખરીદ્યા છે. કહેવામાં આવી રહ્યું છે કે આ રાઈટ્સ 150 કરોડ રૂપિયામાં વેચાયા છે. આ ફિલ્મમાં શાહરૂખ ખાનની સામે નયનતારા જોવા મળશે અને દીપિકા પાદુકોણ પણ આ ફિલ્મમાં કેમિયો રોલમાં છે. આ સિવાય ફિલ્મમાં સાઉથ સુપરસ્ટાર વિજય સેતુપતિની પણ ખાસ ભૂમિકા છે.

ગયા મહિને જવાનના ઓટીટી રાઇટ્સ વેચાયાના સમાચાર પણ સામે આવ્યા હતા. રિપોર્ટમાં કહેવામાં આવ્યું છે કે OTT અને મ્યુઝિક રાઇટ્સ 250 કરોડ રૂપિયામાં વેચાયા છે. એટલે કે આ હિસાબે OTT અને થિયેટર રાઈટ્સની રિલીઝ પહેલા જ જવાનના મેકર્સના ખાતામાં 400 કરોડ રૂપિયા આવી ગયા છે. તે મુજબ જવાને સની દેઓલની ગદર 2 રિલીઝ પહેલા જ માત આપી દીધી છે. ગદરે બોક્સ ઓફિસ પર 9 દિવસમાં 336 કરોડ રૂપિયાનો બિઝનેસ કર્યો છે. જો કે સની દેઓલની ફિલ્મની કમાણી હજુ ચાલુ છે અને ફિલ્મના OTT રાઈટ્સ હજુ વેચવાના બાકી છે.

જવાન શાહરૂખ ખાનના કરિયરની અત્યાર સુધીની સૌથી મોંઘી ફિલ્મ હોવાનું કહેવાય છે. રિપોર્ટ્સ અનુસાર, ફિલ્મનું બજેટ 300 કરોડ રૂપિયા છે. અને આ પહેલા શાહરૂખની કોઈપણ ફિલ્મ પર આટલા પૈસા ખર્ચવામાં આવ્યા નથી. તેની કારકિર્દીમાં અત્યાર સુધીની સૌથી વધુ કમાણી કરનારી ફિલ્મ પઠાણનું બજેટ લગભગ 225 કરોડ હતું. જો કે શાહરુખના દરેક ફેન જવાનની રાહ જોઈ રહ્યા છે. તેના બે ગીતો, ટીઝર અને પ્રિવ્યુ વીડિયો પણ રિલીઝ કરવામાં આવ્યા છે.