જામનગરની જિલ્લા જેલ ફરીથી ચર્ચા ના એરણે... જેલ ની તપાસ દરમિયાન એક મોબાઇલ ફોન મળી આવતાં પોલીસે ગુનો નોંધ્યો

 જેલ ના ઇન્ચાર્જ જેલર દ્વારા અજાણ્યા કેદી સામે મોબાઈલ ફોનનો જેલમાં ઉપયોગ કરવા સંબંધે પોલીસ ફરિયાદ નોંધાવી

 સીમકાર્ડ વગરના મોબાઇલ ફોનની કોલ ડિટેઇલ ના આધારે પોલીસ દ્વારા તપાસ: મોબાઇલને ચકાસણી માટે લેબોરેટરીમાં મોકલાવ્યો

 જામનગરની જિલ્લા જેલમાં ગઈકાલે જેલ સ્ટાફ દ્વારા સરપ્રાઈઝ ચેકિંગ કરવામાં આવ્યું હતું, જે દરમિયાન એક સ્થળે બોક્ષમાં સંતાડેલો સીમકાર્ડ વગરનો મોબાઈલ ફોન મળી આવ્યો હતો. જે કબજે કરી લઈ એફ.એસ.એલ. માં મોકલી આપ્યો છે, જયારે આ મોબાઈલ ફોનનો ઉપયોગ કરનારા અજાણ્યા કેદી સામે સિટી એ. ડિવિઝન પોલીસ મથકમાં ગુનો દાખલ કરાવ્યો છે, અને સમગ્ર મામલામાં પોલીસ દ્વારા ઊંડાણપૂર્વક ની તપાસ ચલાવવામાં આવી રહી છે.