aajkaal@team

સૌરાષ્ટ્ર વિસ્તારમાં ભારે વરસાદને કારણે વેરાવળ યાર્ડમાં પાણી ભરાયા છે અને અનેક જગ્યાએ પાટા પરથી પાણી વહી રહ્યા છે. ભાવનગર રેલ્વે ડિવિઝનના સીનિયર ડીસીએમ માશૂક અહમદે માહિતી આપી હતી કે મુસાફરોની સુરક્ષાને ધ્યાનમાં રાખીને પશ્ચિમ રેલ્વેએ 20મી જુલાઈ, 2023ની વેરાવળ-તિરુવનંતપુરમ સેન્ટ્રલ એક્સપ્રેસ વેરાવળને બદલે અમદાવાદ સ્ટેશનથી ચલાવવાનો નિર્ણય લીધો છે. 

આમ આ ટ્રેન વેરાવળ-અમદાવાદ વચ્ચે આંશિક રીતે રદ રહેશે.રેલવે પ્રશાસન મુસાફરોને પડી રહેલી અસુવિધા બદલ ખેદ વ્યક્ત કરે છે. રેલ મુસાફરો ટ્રેનોના સંચાલનથી સંબંધિત નવીનતમ અપડેટ્સ માટે વેબસાઇટ www.enquiry.indianrail.gov.in પર જઈ શકે છે.