જામનગરના બેડેશ્ર્વર વિસ્તારમાં આવેલ અનાજ કરીયાણાની દુકાનમાં ગત મધરાત્રે આગ લાગતા ફાયર બ્રિગેડની ટુકડી દોડી ગઇ હતી અને આગને ઠારી હતી, આગના કારણે સરસામાન સળગી જતા લાખોનું નુકશાન થયુ હતું.


બેડેશ્ર્વર વિસ્તારમાં આવેલ સદગુરૂ પ્રોવિઝન સ્ટોર નામની અનાજ કરીયાણાની દુકાનમાં ગત રાત્રીના ૨.૫૩ કલાકે આગ લાગી હતી, શોટ સરકીટના કારણે આગ લાગ્યાનું બહાર આવ્યુ હતું, બનાવની જાણ થતા ફાયર બ્રિગેડની ટીમ દોડી ગઇ હતી અને બે ગાડી પાણીનો મારો ચલાવી આગને ઠારી હતી. આગના કારણે દુકાનમાં રહેલો સામાન સળગી જતા અંદાજે ચારેક લાખનું નુકશાન થયાનું જાણવા મળ્યું છે.