દિલ્હીના કાંઝાવાલામાં બનેલી હૃદયદ્રાવક ઘટનામાં નવો વળાંક આવ્યો છે. મૃતક અંજલિના પરિવારજનોએ તેના મૃત્યુ અંગે મોટો દાવો કર્યો છે. સંબંધીઓનું કહેવું છે કે અંજલિનું મગજ મળ્યું નથી. પરિવારનું કહેવું છે કે અંજલિની હત્યા કરવામાં આવી છે. પોસ્ટમોર્ટમ રિપોર્ટને ટાંકીને સંબંધીઓએ કહ્યું કે અંજલિએ દારૂ પીધો નહોતો.
​​​​​​​

આજરોજ પ્રથમ વાર અંજલિનો પરિવાર મીડિયાની સામે આવ્યો અને આ મામલે મોટો દાવો કર્યો. પરિવારજનોના જણાવ્યા અનુસાર અંજલિની હત્યા કાવતરા હેઠળ કરવામાં આવી હતી. અંજલિને જાણી જોઈને ગાડી નીચે ખેંચીને મારી નાખવામાં આવી હતી. પોસ્ટમોર્ટમ રિપોર્ટને ટાંકીને સંબંધીઓએ કહ્યું કે તેના શરીર પર ઈજાના 40 નિશાન જોવા મળ્યા છે.

સંબંધીઓએ કહ્યું કે નિધિના તમામ આરોપ ખોટા છે. અંજલિએ દારૂ પીધો ન હતો. પોસ્ટમોર્ટમ રિપોર્ટને ટાંકીને અંજલિના પરિવારના નજીકના સંબંધી ભૂપેન્દ્ર ચૌરસિયાએ કહ્યું કે તેમાં ખોરાકના કણો હોવાનું કહેવાય છે. મતલબ કે ક્યાંય દારૂ ન હતો. તેમણે વધુમાં કહ્યું કે પોસ્ટ મોર્ટમ રિપોર્ટ અનુસાર અંજલિનું મગજ ગાયબ છે.