તમિલનાડુના વિલ્લુપુરમ જિલ્લાના મારક્કનમ નજીક એકકિયારકુપ્પમ ગામમાં ઝેરી દારૂ પીવાથી એક વૃદ્ધ મહિલા સહિત ઓછામાં ઓછા 10 લોકોના મોત થયા હતા અને ઓછામાં ઓછા 14 લોકોને હોસ્પિટલમાં દાખલ કરવામાં આવ્યા હતા. પોલીસે જણાવ્યું કે આ દારૂ નકલી હોવાની આશંકા છે. આ મામલે ચાર પોલીસકર્મીઓને સસ્પેન્ડ કરવામાં આવ્યા હતા.
અહેવાલોમાં જણાવવામાં આવ્યું છે કે 15 થી વધુ લોકોએ નકલી દારૂ પીધો હતો, જેમાંથી મોટાભાગના માછીમારો દરિયાકાંઠાના એકકિયારકુપ્પમ ગામના હતા. આ લોકોએ શનિવાર અને રવિવાર વચ્ચે દારૂ પીધો હતો. ઝેરી દારૂ પીધેલા લોકોને આજે સવારે ઉલ્ટીઓ અને બેહોશ થવા લાગ્યા હતા. બાદમાં તેઓને મુંડિયમબક્કમની વિલ્લુપુરમ સરકારી મેડિકલ કોલેજ હોસ્પિટલ, જવાહરલાલ ઇન્સ્ટિટ્યૂટ ઑફ પોસ્ટગ્રેજ્યુએટ મેડિકલ એજ્યુકેશન એન્ડ રિસર્ચ (JIPMER) અને પોંડિચેરી ઇન્સ્ટિટ્યૂટ ઑફ મેડિકલ સાયન્સિસ (PIMS) પુડુચેરીમાં લઈ જવામાં આવ્યા હતા, જ્યાં ત્રણ લોકોને મૃત જાહેર કરવામાં આવ્યા હતા.
બાદમાં હોસ્પિટલમાં સારવાર દરમિયાન એક વ્યક્તિનું મોત નીપજ્યું હતું. સાંજે, એક વૃદ્ધ મહિલાએ વિલ્લુપુરમ સરકારી હોસ્પિટલમાં તેની ઇજાઓથી દમ તોડ્યો. જેના કારણે મૃત્યુઆંક વધીને પાંચ થયો છે. અહેવાલો અનુસાર, અત્યાર સુધીમાં મૃતકોમાં કેટલાકની ઓળખ શંકર (50), સુરેશ (60), દારાનીવેલ (50), રાજામૂર્તિ (55) અને મલારવિઝી તરીકે થઈ છે. ઓછામાં ઓછા 14 લોકોને ત્રણ હોસ્પિટલમાં દાખલ કરવામાં આવ્યા છે.
દરમિયાન મુખ્યમંત્રી એમ.કે. સ્ટાલિને મૃત્યુ પર શોક વ્યક્ત કર્યો અને પરિવારના દરેક સભ્યને 10 લાખ રૂપિયા અને હોસ્પિટલોમાં સારવાર લઈ રહેલા પ્રત્યેક વ્યક્તિને 50,000 રૂપિયાની એક્સ-ગ્રેશિયાની જાહેરાત કરી.
તેમણે કહ્યું કે મારક્કનમ પોલીસ સ્ટેશનના ઈન્સ્પેક્ટર અરુલ વાડીવાઝગન, સબ ઈન્સ્પેક્ટર દીપન, પ્રોહિબિશન એન્ફોર્સમેન્ટ વિંગ ઈન્સ્પેક્ટર મારિયા સોફી મંજુલા અને સબ ઈન્સ્પેક્ટર શિવગુરુનાથનને સસ્પેન્ડ કરવામાં આવ્યા છે. શ્રી સ્ટાલિને જણાવ્યું હતું કે ગેરકાયદેસર દારૂ વેચતા એક વ્યક્તિની ધરપકડ કરવામાં આવી છે અને ઘટનાના સંબંધમાં બાકીના આરોપીઓને પકડવા માટે શોધ ચાલી રહી છે. જિલ્લા પોલીસ અધિક્ષક એન. શ્રીનાથે ઘટનાસ્થળની મુલાકાત લીધી હતી અને કહ્યું હતું કે ઘટનાના સંબંધમાં તપાસ ચાલુ છે. પોસ્ટમોર્ટમ બાદ મૃતદેહ સ્વજનોને સોંપવામાં આવ્યા હતા.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઆપની માંગ : કેન્દ્ર સરકાર કેજરીવાલને નિવાસ માટે સરકારી આવાસ આપે
September 20, 2024 02:13 PMએક ફિલ્મ કે જેમાં શાહરૂખ ખાને સામેથી એક પૈસો પણ લીધા વગર માંગ્યો નાનો રોલ
September 20, 2024 02:08 PMઆ અભિનેતાએ તેની કેરિયર માટેની છેલ્લી ફિલ્મ માટે વસૂલી આટલી ફી, શાહરૂખ ખાનને પણ છોડી દીધો પાછળ
September 20, 2024 01:58 PMપાકિસ્તાનમાં રક્ષક બન્યો ભક્ષક : પોલીસે ડોક્ટરને ઉતાર્યો મોતને ઘાટ
September 20, 2024 01:48 PMસુપ્રીમની હાઇકોર્ટના જજને ફટકાર, બેંગ્લોરના મુસ્લિમ વિસ્તારને મિની પાકિસ્તાન ગણાવતા માંગ્યો જવાબ
September 20, 2024 01:42 PMCopyright © 2023-2024 Aajkaal Daily
Developed by Rhythm Infotech