આલમગંજ પોલીસ સ્ટેશન વિસ્તારમાં બજરંગપુરી નજીક સશસ્ત્ર ગુનેગારોએ મંગળવારે રાત્રે મિલ્ક બૂથ ઓપરેટર સહ 50 વર્ષિય ભાજપા નેતા અજયશાહની ગોળી મારીને હત્યા કરી દીધી છે. પોલીસે હત્યાનું કારણ જમીન વિવાદ ગણાવ્યું છે. એએસપી શરથ એએએસ અને પોલીસ સ્ટેશનના વડા રાજીવ કુમાર ઘટના સ્થળે પહોંચી તપાસ કરી રહ્યા છે.

દૂધની દુકાન પર હત્યા

જણાવી દઈએ કે, બજરંગ પુરીમાં અજય શાહના સંબંધી દુકાન પાસેના ઘરમાં રહે છે. ઘટના સ્થળેથી પ્રાપ્ત વિગત મુજબ, અજય શાહ મંગળવારે રાત્રે લગભગ 10 કલાકના સુમારે મિલ્ક બૂથ પર બેઠા હતા. બે યુવકો બૂથ પર પહોંચ્યા. સંબંધીઓના જણાવ્યા અનુસાર, બંને યુવકો બૂથમાં ઘૂસી ગયા અને ફાયરિંગ શરૂ કરી દીધું. ગોળી વાગતાની સાથે જ ઓપરેટર પડી ગયો.

હોસ્પિટલમાં ડોક્ટરે તેને મૃત જાહેર કર્યા

ગોળીનો અવાજ સાંભળીને મકાનની અંદર રહેલા સંબંધીઓ બહાર આવ્યા અને લોહીથી લથપથ અજયને ખાનગી હોસ્પિટલમાં લઈ ગયા. તેની સ્થિતિ ગંભીર જોઈને ડોક્ટરે તેમને NMCH મોકલ્યો હતો. નાલંદા મેડિકલ કોલેજ હોસ્પિટલમાં ડોક્ટરોએ તેમને મૃત જાહેર કર્યા હતા. આલમગંજ પોલીસ સ્ટેશન ઘટનાસ્થળે પહોંચીને તપાસ કરી રહી છે.

મિલ્ક બૂથ બંધ કરવાની તૈયારી કરી રહ્યા હતા અજય શાહ

પત્ની શોભા દેવીએ પોલીસને જણાવ્યું કે, પતિ મિલ્ક બૂથ બંધ કરવાની તૈયારી કરી રહ્યા હતા. અચાનક આવેલા બે બદમાશોએ પતિને ગોળી મારી દીધી. હત્યા કર્યા બાદ ગુનેગારો આરામથી ત્યાંથી નિકળી ગયા. એએસપી શરથ આરએસે જણાવ્યું હતું કે, પ્રાથમિક દૃષ્ટિએ આ મામલો જમીન સંબંધિત વિવાદ હોવાનું જણાય છે. તપાસ ચાલુ છે. ગુનેગારો જલ્દી પકડાઈ જશે.