જામનગર મહાનગરપાલિકામાં કામ કરતા આઉટસોર્સીંગ કર્મચારીઓને બે મહિનાનો પગાર અપાયો નથી, એટલું જ નહીં તેમનું પીએફ પણ જમા કરાવાતું નથી, ગઇકાલે મેયરની ચેમ્બર બહાર આવેદન ચોંટાડ્યા બાદ આજે મ્યુ. કમિશ્નર હાજર ન રહેતા ડે. કમિશ્નર ભાવેશ જાની અને ચેરમેન હાજર ન હોવાથી સેક્રેટરી અશોક પરમારને કોર્પોરેટર રચનાબેન નંદાણીએ આવેદનપત્ર આપીને કોઇ કાર્યવાહી નહીં કરાય તો ધરણાં કરવામાં આવશે તેવી ચીમકી આપી હતી અને જણાવ્યું હતું કે, એજન્સીઓનો કોન્ટ્રાક્ટર ૩૧ માર્ચના રોજ પૂરો થાય છે, તે પહેલા કડક કાર્યવાહી કરવા અને જ્યાં સુધી પીએફ ન ચૂકવાય ત્યાં સુધી એજન્સીઓની ડીપોઝીટ પણ પાછી ન આપવા માંગણી કરી છે, આ કાર્યક્રમમાં વિપક્ષના નેતા ધવલભાઇ નંદા, પૂર્વ કોર્પોરેટર આનંદ ગોહિલ, યુવક કોંગ્રેસના ડો. તૌસીફખાન પઠાણ, સાજીદ બ્લોચ, પાર્થ પટેલ સહિતના અગ્રણીઓ હાજર રહ્યા હતા.