પોલીસ પરેડ ગ્રાઉન્ડ ખાતે જિલ્લા કક્ષાની કરાશે ઉજવણી

“સ્વયં અને સમાજ માટે યોગ” થીમ અન્વયે 21 જૂનના રોજ આંતરરાષ્ટ્રીય યોગ દિવસની ઉજવણી કરવામાં આવનાર છે. ત્યારે દેવભૂમિ દ્વારકામાં જિલ્લાકક્ષાની ઉજવણી ખંભાળિયાના પોલીસ પરેડ ગ્રાઉન્ડ ખાતે કરવામાં આવશે. આ સાથે દેવભૂમિ દ્વારકા જિલ્લાના બે આઇકોનિક સ્થળ નવલખા મંદિર તથા સુદર્શન સેતુ ખાતે પણ આંતરરાષ્ટ્રીય યોગ દિવસની ઉજવણી કરવામાં આવશે.

આ ઉપરાંત તાલુકા કક્ષાએ પણ યોગ દિવસની ઉજવણી કરવામાં આવશે. જેમાં ખંભાળિયા તાલુકા કક્ષાનો કાર્યક્રમ આર.એન. વારોતરીયા વિદ્યાલય, ભાણવડ તાલુકા કક્ષાનો કાર્યક્રમ પુરુષાર્થ વિદ્યામંદિર, કલ્યાણપુર તાલુકા કક્ષાનો કાર્યકમ નંદાણા ગામે જી.એમ.ડી.સી.સ્કૂલ ખાતે તથા દ્વારકા તાલુકા કક્ષાનો કાર્યક્રમ એન.ડી.એચ. હાઈસ્કૂલ ખાતે યોજાશે.

યોગ દિવસની ઉજવણી જિલ્લામાં નગરપાલિકા કક્ષાએ તથા તમામ ગામો, પ્રાથમિક શાળાઓ, માધ્યમિક શાળાઓ, કોલેજો, આઈ.ટી.આઈ. સહિતના સ્થળે પણ કરવામાં આવશે.