શહેરના અખિલેશ સોસાયટી ઘોઘા જગાતનાકા પાસે રહેતા રાહુલભાઈ ભુપતભાઈ જેઠવાને રૂપિયા ૫૮૦૮૦ ની કિંમતની વિદેશી દારૂની ૧૫૭ નંગ બોટલો તેના મકાનની બહાર રસ્તા પર પડેલ મંડપના સામાનની આડમાંથી પેરોલ ફલો સ્કોડે ઝડપી લીધી હતી. જ્યારે તિલકનગર વાલ્મિકીવાસ મેલડીમાંના મંદિર પાસે આડોડીયાવાસમાં રહેતા અરજણભાઈ માધાભાઈ મકવાણા ને રેલ્વે સ્ટેશન પાસે આવકાર હોટલની સામે જાહેર રોડ પરથી વિદેશી દારૂની રૂ. ૧૬, ૦૫૦ ની કિંમતની ૨૧૫ નંગ બોટલો સાથે એલસીબી પોલીસે ઝડપી લીધો હતો. તેમજ વિઠ્ઠલવાડી બજરંગદાસ પેટ્રોલ પંપની સામે જાહેર રોડ ઉપરથી રજપૂત સોસાયટી વીમા હોસ્પિટલ પાસે આનંદ નગર રહેતા દિપકભાઈ ઉર્ફે દીપુ નાથાભાઈ બારીયા ને રૂ. ૧૨, ૨૪૦ ની કિંમતની ૬૦બોટલો સાથે પેરોલ ફ્લો સકોડે ઝડપી લીધો હતો. આ ઉપરાંત આણંદનગર આડોડીયાવાસ ડબલ થાંભલા પાસે રહેતા પ્રદીપભાઈ ઉર્ફે પપ્પુ હર્ષદભાઈ રાઠોડ ને રૂ. ૫, ૩૧૫ ની કિંમતની વિદેશી દારૂની ૨૩બોટલો એલસીબીએ તેના મકાનમાંથી જપ્ત કરી હતી. આરોપી હાજર મળી આવેલ ન હતો.