પાકિસ્તાનના ખૈબર પખ્તુનખ્વા પ્રાંતમાં શુક્રવારે એક સાથે બે વિસ્ફોટના સમાચાર સામે આવી રહ્યા છે. પહેલો હુમલો પોલીસ સ્ટેશનના મુખ્ય દ્વાર પર થયો હતો અને બીજો સંકુલમાં આવેલી મસ્જિદની અંદર થયો હતો. આ આત્મઘાતી વિસ્ફોટમાં લગભગ ત્રણ લોકો માર્યા ગયા હતા અને છ લોકો ઘાયલ થયા હતા.

પાકિસ્તાનના ખૈબર પખ્તુનખ્વા પ્રાંતમાં શુક્રવારે એક મસ્જિદની અંદર થયેલા આત્મઘાતી વિસ્ફોટમાં ઓછામાં ઓછા ત્રણ લોકો માર્યા ગયા અને છ અન્ય ઘાયલ થયા. દોઆબા પોલીસ સ્ટેશનના પ્રભારી શાહરાજ ખાને જણાવ્યું કે વિસ્ફોટ હંગુ જિલ્લાની એક મસ્જિદમાં થયો હતો. તેમણે કહ્યું કે વિસ્ફોટ શુક્રવારની નમાજ દરમિયાન થયો હતો અને બ્લાસ્ટ સમયે મસ્જિદમાં 30 થી 40 નમાઝીઓ હાજર હતા.

દોઆબા પોલીસ સ્ટેશનના પ્રભારી શાહરાજ ખાને જણાવ્યું કે વિસ્ફોટ હંગુ જિલ્લાની એક મસ્જિદમાં થયો હતો. તેમણે કહ્યું કે વિસ્ફોટ શુક્રવારની નમાજ દરમિયાન થયો હતો અને બ્લાસ્ટ સમયે મસ્જિદમાં 30 થી 40 નમાઝીઓ હાજર હતા.

મસ્જિદની છત તૂટી પડી

પોલીસે કહ્યું કે તેઓ માને છે કે આ આત્મઘાતી બોમ્બ વિસ્ફોટ છે. પોલીસે જણાવ્યું કે વિસ્ફોટમાં લગભગ ત્રણ લોકોના મોત થયા છે અને છ અન્ય લોકો ઘાયલ થયા છે. સ્થાનિક ડોન અખબારના અહેવાલમાં હાંગુ જિલ્લા પોલીસ અધિકારી નિસાર અહેમદને ટાંકીને જણાવ્યું હતું કે, "વિસ્ફોટની અસરને કારણે મસ્જિદની છત તૂટી પડી હતી."

પ્રથમ હુમલો પોલીસ સ્ટેશનના મુખ્ય દરવાજા પર

હંગુ જિલ્લા પોલીસ અધિકારી નિસાર અહેમદે જણાવ્યું કે પહેલો વિસ્ફોટ પોલીસ સ્ટેશનના પ્રવેશદ્વાર પર થયો હતો, ત્યાર બાદ ઘટનાસ્થળે ઘણા લોકો એકઠા થઈ ગયા હતા. થોડીવાર બાદ પોલીસ સ્ટેશન પરિસરમાં આવેલી મસ્જિદની અંદર બીજો વિસ્ફોટ થયો.