આજકાલ લોકોનું જીવન મોબાઈલ ફોન વિના અધૂરું છે. તેને સારો દેખાડવા માટે લોકો તેના પર વિવિધ પ્રકારના કવર લગાવે છે. કેટલાક પારદર્શક કવરનો ઉપયોગ કરે છે જ્યારે અન્ય પાછળ પ્રિન્ટેડ કવર લગાવે છે. કેટલાક ફ્લિપ કવર અને કેટલાક બેક કવરનો ઉપયોગ કરે છે પરંતુ તાજેતરમાં એક છોકરી તેના મોબાઈલનું કવર લેવા માટે દુકાને ગઈ ત્યારે તેણે એવું કવર લગાવ્યું જેને જોઈને લોકોએ તેની મજાક ઉડાવી અને તેને પૂછ્યું કે તે કેવી રીતે ફોટો પાડશે?

તાજેતરમાં જ ઈન્સ્ટાગ્રામ એકાઉન્ટ @rjmobile01 પર એક વીડિયો પોસ્ટ કરવામાં આવ્યો છે જેમાં એક છોકરી તેના મિત્રો સાથે તેના ફોનમાં કવર લગાવવા માટે એક દુકાને પહોંચી છે. તેણે તેના ફોન પર દુકાનદારને એક કવર બતાવ્યું અને પૂછ્યું કે શું તેની પાસે તે કવર છે? જો દુકાનદાર પાસે કવર હોય તો તે ફોન માંગે છે અને તેના પર કવર લગાવી દે છે. આ દુકાન મુંબઈમાં છે.

આ કવર બર્ગર સ્ટાઈલનું છે. છોકરીનો ફોન એક ફ્લિપ ફોન છે, જે વચ્ચેથી ફોલ્ડ થાય છે. દુકાનદારે એક બર્ગર બન ઉપરના ભાગમાં અને બીજુ બર્ગર બન ફોનના નીચેના ભાગમાં મૂક્યું. પછી જ્યારે ફોન બંધ થયો ત્યારે તે એક બર્ગર જેવો દેખાતો હતો, જેમાં શાકભાજી વચ્ચે મૂકવામાં આવ્યું હતુ પરંતુ રસપ્રદ વાત એ છે કે બર્ગર ફોનના કેમેરાની ઉપર છે. આ કારણે કેમેરાનો ઉપયોગ કરવો અશક્ય છે.

આ વીડિયોને 1 કરોડથી વધુ વ્યૂઝ મળ્યા છે જ્યારે ઘણા લોકોએ કોમેન્ટ કરીને પોતાનો પ્રતિભાવ આપ્યો છે. એકે કહ્યું કે આ કવર લગાવ્યા પછી કેમેરાના લેન્સ રડતા હશે. એકે કહ્યું, હવે આ છોકરી કેવી રીતે ફોટોગ્રાફ્સ લેશે?